Aks 21:11 - Di Jamiekan Nyuu Testiment

¹¹ Im kom op tu wi, tek Paal belt, an tai op im uona an an fut an se, “Di Uoli Spirit se, ‘A siem so di Juu dem iina Jeruusilem a-go tai op di man uu uon da belt ya, an ton im uova tu di piipl dem we a no Juu.’”

Aks 21:11 ပူးပေါင်းရင်းမြစ်များ

Jan 18:1

Afta Jiizas don prie, im an im falara dem kraas uova wan riva we dem kaal Kijran. Wan gyaadn did de de, an im an im falara dem go iin de.

Aks 13:2

Dem did a sorv di Laad an a kip we fram fuud wen di Uoli Spirit se tu dem se, “Frii op Baanabas an Saal so dem kyan du di wok we mi did pik dem fi du.”

Aks 16:6

Di Uoli Spirit wudn lou dem fi priich di gud nyuuz iina Iezha, so dem muuv chuu Frijiya an Gyaliesha.

Aks 20:23

bot di Uoli Spirit waan mi se, iina evri toun we mi go, dem a-go lak mi op iina prizn an mek mi sofa.

Aks 21:33

Den di ed fi touzn suoja kom an ares im an aada di ada suoja dem fi tai im op wid tuu chien. Den im aks a uu da man ya an a wa im du.

Aks 21:4

Afta wi fain di biliiva dem, wi tan wid dem fi sevn die. Di Uoli Spirit shuo di biliiva dem wa did a-go riich Paal iina Jeruusilem, so dem beg im uova an uova no fi go op de.

Aks 22:25

Afta dem tai im op an chrech im out fi biit im, Paal aks di ed fi onjrid suoja we did tan op de, “Di Laa gi yu no rait fi biit mi, wan man we kom fram Ruom, wen yu no iivn kyari mi go a kuot an se mi gilti fi notn?”

Aks 24:27

Afta tuu ier paas, Porshiyos Festos ton di nyuu govana an tek uova fram Fiiliks. Bot kaaz Fiiliks did a chrai fi kori fieva wid di Juu dem, im lef Paal iina prizn.

Aks 26:29

So Paal ansa se, “Mi prie Gad se no onggl yu bot aal uu a lisn mi tide wuda ton jos laik mi, weda iina no taim ar aal ef it tek lang. A onggl wan ting mi no waahn, mi no waahn unu fi chien op laik mi.”

Aks 28:17

Chrii die afta dat, Paal sen kaal di Juu liida dem iina di ieriya fi miit wid im. Wen dem kom im se tu dem se, “Mi breda, mi neva du notn rang gens wi piipl. Mi neva se notn rang bout di wie wi faada faada dem did liv niida. Bot wi liida dem iina Jeruusilem tek mi ton prizna gi di Ruoman liida dem.

Aks 28:20

A dat mek mi aks unu fi miit wid mi. Matarafak, dem tek mi ton prizna an put mi iina dem chien ya siek-a di wan we di Izrel piipl dem a wiet fa an a luk fi kom.”

Aks 28:25

So di liida dem staat aagyu mongks dem wan aneda an som a dem waak out afta di laas ting Paal se. Im did se, “Di Uoli Spirit did rait wen im did yuuz di prafit Aizaiya fi taak tu wi faada faada dem.

Aks 8:29

Di Spirit tel Filip se, “Gwaan go jain da bogi de an stie kluos tu it.”

Aks 9:16

Mi a-go shuo im umoch im afi go sofa fi fi mi siek.”

Ifiijan 3:1

Krais Jiizas mek mi, Paal, im prizna, so mi kuda priich tu unu we a no Juu.

Ifiijan 4:1

So den, mi we de a prizn kaaz mi a sorv di Laad, a beg unu — unu we Gad pik fi bi im piipl; mi a beg unu fi liv ou Gad waahn unu fi liv.

Ifiijan 6:20

kaaz a dat Krais Jiizas pik mi an mek mi wan a im apasl fa. An a dat dem lak mi op iina prizn fa. So prie se mi wi priich di Gud Nyuuz di wie ou mi fi priich it an no fried a notn.

1 Timoti 4:1

Di Uoli Spirit tel wi plien plien se iina dem laas die ya, nof piipl a-go ton dem bak pan di chuut bout Jiizas an go biliiv iina wa di wikid laiyad spirit tel di faalz tiicha dem fi priich.

2 Timoti 2:9

A chuu mi a tiich da mesij ya mek mi a sofa so. An a kaaz mi tiich da mesij ya mek dem fling mi iina prizn an chriit mi laik se mi a kriminal. Bot dem kyaahn tap Gad mesij ar lak it op laik ou dem lak mi op iina prizn.

Iibruu 10:34

Kaaz fi riil, unu aal sari fi di piipl dem we dem chuo iina prizn. An wen dem kom tek we unu sitn dem, unu mek dem galang wid dem, an aal a sumail sed wie, kaaz unu nuo se unu uon tingz we moch moch beta dan dem sitn de, an wa unu uon a-go laas fi eva.

Iibruu 3:7

So den, jos laik wa di Uoli Spirit se, “Ef unu ier im vais tide,

1 Piita 1:12

Gad mek dem si se wa dem did a taak bout a neva did fi dem, bot dem did fi apm fi unu. Di sed sitn we di prafit dem did se, a di siem Gud Nyuuz di priicha dem kom gi unu. A di Uoli Spirit, we did sen dong fram evn, did gi dem di powa fi kom kom tel unu — aal ienjel did waahn andastan dem sitn ya!