Aks 20:6 - Di Jamiekan Nyuu Testiment

⁶ So afta di Paasuova alidie, wi siel fram Filipai. An it tek wi faiv die fi riich a Chuowas an jain di wan dem we did a wiet fi wi, an wi tan de fi sevn die.

Aks 20:6 ပူးပေါင်းရင်းမြစ်များ

Aks 12:3

Wen im si se wa im did du tu Jiemz mek di Juu dem api, im gi aada fi ares Piita tu. Dis apm wen di Paasuova alidie did a gwaan.

Aks 16:12

Fram de-so wi siel go a Filipai. Filipai a did wan big impuotant siti iina da ieriya a Masiduoniya de we a did wan Ruoman parish.

2 Timoti 4:13

Wen yu a kom, kyari di kuot we mi did lef wid Kyaapos iina Chuowas. An bring mi ruol op buk dem, speshali di wan dem we mek outa animal skin.

1 Tesaluoniyan 2:2

Unu nuo ou wen wi did de a Filipai di piipl dem we inchaaj did mek wi sofa. Dem shiem wi bad bot Gad gi wi di chrent fi kom tu unu siem wie an kom tel unu di Gud Nyuuz, iivn duo uol iip a piipl did a chrai fi tap wi,

Filipiyan 1:1

Da leta ya a kom fram mi, Paal. Timoti de ya wid mi tu. Di tuu a wi a Krais Jiizas sliev. Mi a rait tu aal a unu we liv iina Filipai we chos Krais Jiizas. An mi a rait tu aal a di bishop an di diikan dem tu.

Aks 28:14

Wi fain som piipl we biliiv iina Jiizas de an dem beg wi fi tan wid dem fi sevn die. Afta dat wi lef an go a Ruom.

Aks 21:8

Di neks die wi lef an go a Sesuriiya an go tan a Filip yaad. Im a did wan a di man dem we priich di Gud Nyuuz, an wan a di sevn man dem we di biliiva dem iina Jeruusilem did pik fi luk aafa di uman dem uufa ozban did ded.

Aks 21:4

Afta wi fain di biliiva dem, wi tan wid dem fi sevn die. Di Uoli Spirit shuo di biliiva dem wa did a-go riich Paal iina Jeruusilem, so dem beg im uova an uova no fi go op de.

Aks 16:8

So dem paas chuu Misiya an go dong a Chuowas.

Aks 16:10

Afta Paal get di vijan, wi mek op wi main se Gad did waahn wi fi go priich di Gud Nyuuz tu dem, so wi chrai siem taim fi go a Masiduoniya.

Aks 20:5

Dem did go bifuo wi an did de a Chuowas a wiet fi wi.

Aks 20:16

Paal neva waahn spen no taim iina Iezha, so im did mek op im main fi siel paas Efisos, kaaz im did a ori fi si ef im kuda riich Jeruusilem bifuo Pentikas.