Aks 20:4 - Di Jamiekan Nyuu Testiment

⁴ An Sowpata, Piros bwai pikni fram Beriya, Ieristaakos, Sikondos fram Tesalonaika, Gaiyos fram Dorbi, an Timoti, Taikikos an Chrofimos fram Iezha go wid Paal.

Aks 20:4 ပူးပေါင်းရင်းမြစ်များ

Aks 14:20

Bot wen di piipl dem we biliiv iina Jiizas gyada op roun im badi, Paal get op an go bak iina di siti. Di neks die im an Baanabas lef go a Dorbi.

Aks 14:6

Paal an Baanabas fain out wa dem did a plan fi du an ron we go a Lischra an Dorbi iina Likuoniya an di dischrik dem nier de.

Aks 16:1

Den Paal go a Dorbi an Lischra. Nou yu did av wan choch breda de niem Timoti. Im mada a did wan Juu we biliiv iina Jiizas, bot im faada a did Griik.

Aks 16:6

Di Uoli Spirit wudn lou dem fi priich di gud nyuuz iina Iezha, so dem muuv chuu Frijiya an Gyaliesha.

Aks 17:1

Afta dem paas chuu Amfipolis an Apoluoniya dem riich a Tesalonaika, we di Juu dem did av wan choch.

Aks 17:13

Bot wen di Juu dem fram Tesalonaika ier se Paal did a priich Gad wod iina Beriya, dem kom de-so tu fi kom rail op di kroud.

Aks 19:29

Di uol siti did rail op. So dem grab Gaiyos an Ieristaakos, di man fram Masiduoniya we did a chravl wid Paal, an staat jrag dem go a di plies iina di siti we piipl aalwiez gyada op wen sitn speshal a apm.

Aks 2:9

Evribadi ier dem uona Langwij, piipl we kom fram Paatiya, Miid, Iilom, piipl we kom fram Mesopotiemiya, Judiya, Kyapaduoshiya, Pontos, an Iezha,

Aks 20:16

Paal neva waahn spen no taim iina Iezha, so im did mek op im main fi siel paas Efisos, kaaz im did a ori fi si ef im kuda riich Jeruusilem bifuo Pentikas.

Aks 20:18

Wen dem riich, im se tu dem se, “Unu nuo ou mi liv di uol taim mi did de ya wid unu, fram di fos die mi riich iina Iezha til nou,

Aks 21:29

Dem se dis kaaz dem did si Chrofimos we kom fram Efisos iina di siti wid Paal bifuo, so dem tek it se Paal did mek im go iina di paat a Gad ous we onggl Juu fi go.

Aks 27:2

Wi go pan wan ship we did a kom fram Ajramitiyom. Di ship did plan fi tap a som difrant difrant plies pan di Iezha sii kuos. So wi siel out an Ieristaakos fram Masiduoniya we iina Tesalonaika go wid wi.

Ruoman 16:21

Timoti, we wok wid mi sen oudi fi unu. Mi kombolo dem: Luushos, Jiesn an Sosipieta sen oudi fi unu tu.

Ruoman 16:23

Gaiyos uu mi a stie wid an iina uufa yaad dem kip choch, sen oudi fi unu. Irastos we kip di moni fi di siti an wi breda Kwaatos sen oudi fi unu tu.

2 Korintiyan 1:1

Da leta ya a kom fram mi, Paal, wan a Jiizas Krais apasl dem. Mi a wan apasl kaaz a dat Gad did waahn mi fi bi. Wi breda Timoti, im grii wid evriting we iina da leta ya. So, a di tuu a wi a sen it an wi a sen it tu aal a Gad piipl we kip choch iina Korint an tu aal a di piipl dem we iina Akaiya we biliiv iina Gad.

2 Korintiyan 1:19

Kaaz Gad Bwai Pikni, Jiizas Krais, we mi, Silvanos an Timoti did priich tu unu bout, a no sumadi we se “Yes” wan minit an “Nuo” di neks. Jiizas aalwiez se wa im miin, im aalwiez se “Yes.”

Ifiijan 6:21

Taikikos mi gud gud breda an uu aalwiez a du di Laad wok, wi tel unu evriting bout mi so unu wi nuo ou mi a du.

Filipiyan 2:19

Mi prie se wi Laad Jiizas wi lou mi fi sen Timoti tu unu suun, so dat dem kyan kom bak an tel mi ou unu a du, an so dat mi no afi wori bout notn.

Koloshan 4:10

Ieristaakos we de iina prizn wid mi, im sen oudi. Baanabas kozn, Maak, se oudi tu. Mi tel unu bout Maak aredi, so ef im kom tu unu, welkom im.

Koloshan 4:7

Taikikos, a wi gud gud breda. Im eva a chos iina Gad. Wi lov im. Im a wok fi di Laad jos laik wi. Im wi tel unu aal a wa a apm tu mi.

1 Timoti 1:1

Timoti, dis a Paal, Jiizas Krais apasl. A di Gad we siev wi an Jiizas Krais di wan we mek wi kyan luk fi get aal kain-a gud sitn, aada mi fi bi wan apasl.

2 Timoti 1:2

Timoti, yu komiin laik mi uona pikni we mi lov, mi prie se Faada Gad an wi Laad Jiizas Krais wi shuo yu lov iivn duo wi no dizorv it, mi prie tu se im wi gud an kain tu yu an gi yu piis iina yu aat.

2 Timoti 4:12

Nou mi sen Taikikos gaan a Efisos.

2 Timoti 4:20

Irastos did stie iina Korint an mi lef Chrofimos iina Miletos chuu im did sik.

Taitos 3:12

Wen mi sen Aatimas ar Taikikos tu yu, chrai yu bes fi kom miit mi a Nikapolis, kaaz mi a-go tan de til winta don.

Failiiman 1:24

Maak, Ieristaakos, Diimas an Luuk, we wok wid mi, sen oudi fi yu tu.

3 Jan 1:1

Da leta ya a kom fram mi, di Elda — tu mi speshal fren, Gaiyos. Mi fren, mi riili riili lov yu.