Aks 20:35 - Di Jamiekan Nyuu Testiment

³⁵ Iina evriting we mi du mi shuo unu se wi afi wok aad so wi kyan av inof fi shier wid di wan dem we no av notn. An unu fi memba wa wi Laad Jiizas se, im se, ‘Ef yu gi sumadi sopm, it mek yu muo api dan ef sumadi gi yu sopm.’ ”

Aks 20:35 ပူးပေါင်းရင်းမြစ်များ

Matyu 10:8

Get sik piipl beta, mek ded piipl kom bak alaiv, piipl we av siknis we mek dem skin fasi-fasi — mek dem skin get bak kliin, an ron out diiman spirit tu. Unu get tingz an unu neehn afi gi notn, nou gi an no luk fi get bak notn.

Aks 20:20

An unu nuo se wen mi did a priich tu unu, mi neva kip bak notn fram unu we kuda elp unu. An mi neva fried fi tiich unu infronta evribadi an fi go fram ous tu ous a tiich.

Aks 20:27

Kaaz mi neva kip bak notn fram unu wen mi did a priich tu unu bout wa Gad waahn unu fi du.

Aks 20:34

Unu wel nuo se wid mi uona tuu an dem mi tek kier a aal we mi did niid, an aal we di piipl we wok wid mi did niid tu.

Aks 20:36

Afta im don taak tu di elda dem, Paal an aal a dem go dong pan dem nii an prie.

Ruoman 15:1

Nou wi we chrang iina wa wi biliiv, wi fi tek taim wid an elp di wan dem we wiik. Wi no fi jos du di sitn dem we wi waahn an wa wi mek wi api.

1 Korintiyan 9:12

Ef unu av ada piipl we unu afi sopuot, unu no tingk se unu shuda waahn sopuot wi muor dan dem? Bot iivn duo wi kuda tel unu fi sopuot wi, wi no aks unu fi notn. Wi go chuu evri an eniting so dat wi no tap nobadi fram biliiv di Gud Nyuuz bout Jiizas Krais.

2 Korintiyan 11:12

Mi neva presha unu fi notn an mi naa go presha unu fi notn. Mi naa du it so dat di piipl dem we wuda waahn fi buos se dem a wok siem laik mi, naa go av no chaans fi se so.

2 Korintiyan 11:9

Wen mi did de mongks unu an wel niid som tingz mi neva aks unu fi notn, kaaz wi breda an sista dem we did kom fram Masiduoniya did bring evriting we mi niid. Mi neva presha non a unu fi notn an mi naa go presha non a unu fi notn niida.

2 Korintiyan 12:13

A wa mi du fi di ada choch dem we mi neva du fi unu? Di onggl ting we dem du we unu neva du, a tek kier a mi. Mi neva presha unu fi gi mi notn wen mi did de mongks unu. A mos so mi rang unu, wen mi neva presha unu. Wel du paadn mi fi dat.

2 Korintiyan 8:9

Kaaz unu nuo ou wi Laad Jiizas Krais shuo wi lov iivn duo wi no dizorv it. Im did rich bot im gi op evriting an mek imself puor so dat unu we puor kuda get rich.

Ifiijan 4:28

Aal uu did a tiif mos tap tiif. Wa dem fi du a wok aad fi wa dem waahn. Da wie de, dem wi av inof fi shier wid piipl we no av notn.

1 Tesaluoniyan 4:11

Unu fi chrai aad fi liv wan kwaiyat laif an no go roun wid no loud naiz a aagyu-aagyu. Unu fi main unu uona bizniz an no megl-megl. An unu fi wok wid unu an, jos laka ou wi tel unu fi du.

1 Tesaluoniyan 5:14

An breda an sista, wi beg unu fi waan di aiglaz dem we no waahn wok; elp di wan dem we friedi-friedi fi get briev, an elp di wan dem we wiik iina eni kain-a wie tu. An beg unu du, tek unu taim wid evribadi.

Iibruu 13:16

An no figet fi du wa gud, an fi shier we unu av, kaaz Gad lov dem kain-a sakrifais de.

Iibruu 13:3

Unu fi memba di piipl dem we iina prizn, laik se unu iin de wid dem. An memba di piipl dem we a sofa tu, laik se a unu a sofa an a fiil di pien we dem a fiil.

3 Jan 1:7

Wen dem lef fi go luk bout Krais Jiizas bizniz, dem neehn tek notn fram di worliyan dem.