Aks 20:33 - Di Jamiekan Nyuu Testiment

³³ Mi neva red yai nobadi fi dem moni ar dem dier kluoz.

Aks 20:33 ပူးပေါင်းရင်းမြစ်များ

2 Korintiyan 11:9

Wen mi did de mongks unu an wel niid som tingz mi neva aks unu fi notn, kaaz wi breda an sista dem we did kom fram Masiduoniya did bring evriting we mi niid. Mi neva presha non a unu fi notn an mi naa go presha non a unu fi notn niida.

1 Korintiyan 9:12

Ef unu av ada piipl we unu afi sopuot, unu no tingk se unu shuda waahn sopuot wi muor dan dem? Bot iivn duo wi kuda tel unu fi sopuot wi, wi no aks unu fi notn. Wi go chuu evri an eniting so dat wi no tap nobadi fram biliiv di Gud Nyuuz bout Jiizas Krais.

1 Korintiyan 9:18

So den a wa mi a-go get pie? Fi mi pie a dat mi kyan priich di Gud Nyuuz bout Jiizas an no chaaj nobadi. Da wie de mi kyan priich an no aks unu fi sopuot mi iivn duo mi av di rait fi aks unu.

2 Korintiyan 7:2

Mek ruum iina yu aat fi wi. Wi no du notn rang tu nobadi, wi no mash op nobadi laif an wi no tek advaantij a nobadi.

1 Tesaluoniyan 2:5

An unu nuo se wi neehn kom swiit-mout non a unu no taim at aal, an Gad si an nuo se wi neehn a chrai yuuz notn we wi se fi tek advaantij a non a unu niida.

1 Korintiyan 9:15

Bot iivn duo mi av di rait fi aks unu fi sopuot mi, mi neva du it. An mi naa rait unu nou so dat unu wi staat du it niida. Mi wuda raada ded dan mek unu sopuot mi. Kaaz mi no waahn notn fi tap mi fram buos bout ou mi priich di Gud Nyuuz tu unu an neva get no elp fram unu.

1 Piita 5:2

tek kier a di shiip dem we Gad gi unu, an no du it kaaz nobadi a fuos unu fi du it bot kaaz unu waahn fi du it. A so Gad waahn it fi go. No du it kaaz unu waahn moni niida bot du it kaaz unu riili waahn fi elp dem.

1 Korintiyan 9:4

Unu no tingk se wi av di rait fi get fuud an jringks fi di wok we wi du?

2 Korintiyan 11:7

Wen mi priich Gad Gud Nyuuz bout Jiizas tu unu, mi did du it fi frii, mi neva chaaj unu notn. Mi put miself dong luo so dat mi kuda lif unu op. A sin mi did a sin wen mi du dem sopm de?

3 Jan 1:7

Wen dem lef fi go luk bout Krais Jiizas bizniz, dem neehn tek notn fram di worliyan dem.