Aks 20:30 - Di Jamiekan Nyuu Testiment

³⁰ An di taim a-go kom wen iivn som a unu uona piipl a-go tiich som torbl sitn we go gens di chuut fi get som a unu fi fala dem.

Aks 20:30 ပူးပေါင်းရင်းမြစ်များ

Matyu 23:15

“Mi se di Laa tiicha an Farisii piipl dem chobl fu'unu! Unu ipokrit unu! Unu kraas uova lan an sii fi chrai chienj wan sumadi fi go fu'unu wie, an wen da wan sumadi de staat worship Gad fu'unu wie, unu mek dem fit fi go el tuu taim muo dan unu!

Aks 11:26

an wen im fain im, im kyari im baka Antiyak wid im. So fi wan uol ier Baanabas an Saal miit op wid di choch piipl an tiich kroud an kroud a piipl. An dong a Antiyak a di fos plies we di biliiva dem get di niem Kristiyan.

Aks 21:38

So a no yu a di Ijipshan we jos di ada die did kaaz piipl fi fait gens di govament an we did liid di fuo touzn bad man dem go out iina di dezot?”

2 Korintiyan 11:13

Kaaz dem piipl de, dem se dem a apasl, bot dem a no no apasl. Dem gwaan laik se a Gad sen dem an chrai fi chrik piipl an mek dem biliiv se dem a wan a Jiizas apasl dem, bot dem a no no apasl.

1 Timoti 5:13

Plos, ef dem go roun fram yaad tu yaad dem wi get liezi. Dem wi get liezi an staat susu-susu, kaaz chobl, an taak tingz we dem no fi a taak.

1 Timoti 6:5

Dem sitn ya onggl kaaz bier aagiment mongks piipl we main wikid an no nuo di chuut. Dem piipl de tingk se fi fala Gad, a wan wie fi mek moni.

2 Piita 2:18

Dem mek big chat we no wot notn an chrai fi jraa we di piipl dem we jos bieli ton we fram di piipl dem we naa liv rait. Kaaz dem piipl ya bieli muuv we fram dem sitn de, an wi stil wel waahn av seks iivn duo dem no marid an dabl-dabl iina aal kain-a sin, di faalz tiicha dem yuuz dis an jraa dem we.

1 Jan 2:19

Dem piipl de lef fram mongks unu, bot dem a neva did riili paat a unu at aal. Ef dem a did paat a unu dem wuda tan wid unu. Bot wen dem lef, dat shuo se dem a neva paat a unu choch at aal at aal.

2 Jan 1:7

Nof laiyad tiicha de iina di worl ya nou. Dem laiyad tiicha ya a taak buot se Jiizas Krais neva kom a ort wid wan badi laik wan man. Dem piipl de a laiyad. Dem a go gens Krais Jiizas.

Revilieshan 2:6

Bot unu av wan gud sitn bout unu: siem laik ou mi iet di sitn dem we di Nikolieshan piipl dem a du, a siem wie unu iet dem tu.