Aks 20:28 - Di Jamiekan Nyuu Testiment

²⁸ An siem laik ou wan shepad luk aafa im Shiip dem, a siem so unu fi tek kier a unuself an Gad choch we di Uoli Spirit put unu inchaaj a, an we im mek im uon wen im bwai pikni ded pan di kraas.

Aks 20:28 ပူးပေါင်းရင်းမြစ်များ

1 Timoti 4:16

Wach ou yu liv an wach wa yu tiich. Gwaan tiich an du aal we mi tel yu fi du, kaaz ef yu du it, yu no onggl a siev yuself bot yu a siev di piipl dem we ier yu tu.

1 Timoti 3:2

Di elda fi liv im laif so dat nobadi kyaahn se notn bad gens im. Im fi av onggl wan waif, im fi nuo ou fi kanchuol imself an no go uova buod wid notn. Piipl mos kyan rispek im an im fi kyan chriit piipl gud wen dem kom a im yaad. Di elda mos nuo ou fi tiich.

Aks 13:2

Dem did a sorv di Laad an a kip we fram fuud wen di Uoli Spirit se tu dem se, “Frii op Baanabas an Saal so dem kyan du di wok we mi did pik dem fi du.”

Iibruu 13:17

Lisn wa unu liida dem se, an du wa dem tel unu fi du. Kaaz dem a-go afi ansa tu Gad an tel im bout ou dem did tek kier a unu. So du fi unu paat, so dem wi api fi du di wok an dem fies no afi lang dong, kaaz ef dat apm, dat naa go elp unu at aal.

1 Timoti 5:17

Unu fi ana an rispek di elda dem we a gud liida, wos ef dem wok aad fi priich an tiich. Unu fi ana dem an pie dem gud tu.

1 Korintiyan 10:32

No du notn we a-go kaaz di Juu dem, di piipl we a no Juu ar Gad choch fi sin.

Filipiyan 1:1

Da leta ya a kom fram mi, Paal. Timoti de ya wid mi tu. Di tuu a wi a Krais Jiizas sliev. Mi a rait tu aal a unu we liv iina Filipai we chos Krais Jiizas. An mi a rait tu aal a di bishop an di diikan dem tu.

Ifiijan 1:7

Jiizas gi op im laif pan di kraas an fi im blod mek wan wie fi frii wi an paadn wi fram wi sin dem. A chuu Gad gud an kain mek dem sopm ya kyan apm.

Luuk 12:32

“So, unu we a fala mi, no bada fried. Unu Faada api fi gi unu im kindom.

1 Timoti 3:5

Kaaz ef sumadi kyaahn ron dem uona ous ou dem a-go ron Gad choch?

Revilieshan 5:9

An dem sing wan nyuu sang: “Yu gud inof fi tek di ruol op buk an fi bos aaf di chring dem, kaaz yu did get kil. An yu tek yu blod bai piipl fi Gad fram evri chraib an langwij an piipl an konchri.

1 Timoti 4:14

No figet bout di gif we di Uoli Spirit gi yu, mek shuor se yu yuuz it. A da gif de yu did get wen di prafit dem did taak uova yu an di elda dem did put dem an pan yu an prie.

Ifiijan 1:14

Di Uoli Spirit a onggl paat a aal a wa Gad pramis fi gi wi. Wi wi get di ada sitn dem wen im don frii aal a im piipl dem. Im du it da wie de so dat piipl wuda priez im wen dem si ou im big an powaful iina evri wie.

Gyalieshan 1:13

Kaaz unu ier bout ou mi did stie wen mi did a worship Gad laik ou di Juu dem worship Gad. Unu ier bout ou mi yuus tu go roun an a mek Gad piipl sofa bad bad an a mash op dem choch.

Aks 20:29

Mi nuo se afta mi lef som man a-go kom mongks unu we komiin laik som torbl wail animal an dem a-go kom mash op di choch.

Aks 20:17

Fram Miletos, im sen sumadi go a Efisos wid wan mesij fi tel di choch elda dem fi kom miit im.

Aks 14:23

Iina aal a di choch dem, Paal an Baanabas pik elda gi dem fi liid dem. An afta dem spen taim a prie an kip we fram fuud, Paal an Baanabas ton di liida dem an di choch piipl dem uova tu di Laad Jiizas we dem biliiv iina.

1 Piita 2:25

Kaaz unu did a chrie laik laas shiip, bot nou Gad bring unu bak fi tek kier a unu, jos laik ou di shepad tek kier a im shiip dem. An im bring unu bak fi wach uova unu an fi mek shuor se unu aarait.

1 Piita 2:9

Bot unu a wan set a piipl we Gad pik. Unu a di king priis — an Gad a di king. Unu a wan speshal piipl we Gad tek fi kom ton fi im uona piipl dem. Im pik unu so unu kyan tel ada piipl ou big im bi an ou gud im bi. Kaaz a im sed wan tek unu outa daaknis an kom put unu iina im brait brait lait.

Koloshan 4:17

Tel Aakipos dis fi mi, “Mek shuor se yu don di wok we di Laad gi yu fi du, kaaz a im ya'a wok fa.”

Ifiijan 4:11

A im siem wan tek som a im piipl dem mek dem ton apasl. Im mek som ton prafit an im sen som fi go roun an priich di gud nyuuz. Im mek som ton paasn an tiicha.

1 Korintiyan 15:9

Kaaz di res a apasl dem beta dan mi. Mi no gud inof fi dem iivn kaal mi wan apasl kaaz mi yuus tu mek Gad piipl sofa bad bad an mi aal did kil aaf som a dem.

1 Korintiyan 1:2

Da leta ya a fi aal a Gad piipl we de iina Korint. Gad kaal unu fi bi im piipl an di uol a unu bilang tu im, kaaz a im mek unu an Jiizas ton wan. A no jos unu wi a rait tu — wi a rait tu evribadi we se Jiizas a dem Laad laik wi.

Luuk 21:34

“Wach out an no spen di uol a unu taim a nyam an jringk, an a fret bout laif, ar da die de a-go kriip op an kech unu laik wan chrap.

1 Jan 1:7

Bot ef wi liv iina di lait siem laik Gad, wi a liv iina piis wid wan aneda. Da wie de Gad wash we aal a wi sin dem wid im Bwai Pikni blod.

Iibruu 12:15

Gad lov wi iivn duo wi no dizorv it, so mek shuor se nobadi no ton dem bak pan wa im du fi dem. An mek shuor se nobadi no galang laik bita ruut we gruo kom ton bita chrii. Dem piipl de wi kom kom mek chobl an brok out wan bag a piipl. Mek shuor se dat no apm.

Taitos 1:7

Sins di elda a-go inchaaj a Gad wok, im afi bi sumadi we di piipl dem kyan rispek an no av notn bad fi se bout. Im no fi ful-a imself, kwik fi get beks an im no fi lov waar niida. Im no fi lov jringk tu moch an im no fi lov ron dong moni.

Koloshan 1:14

an we paadn wi sin dem an mek wi go frii.

1 Korintiyan 11:22

Wa apm? Unu no av yaad wich paat unu kyan nyam an jringk? Ar a shuo unu a chrai shuo se unu iet Gad choch wen unu shiem di piipl dem we no av notn? Wa mi fi se tu unu? Unu waahn mi tel unu ou unu gud? Mi kyaahn tel unu se unu a du gud wen unu du dem tingz ya.

Maak 13:9

“Wach out. Chobl a-go riich unu. Dem a-go tek unu an ton unu uova tu di liida dem fi di Juu dem choch, an dem a-go biit unu iina dem choch. An kaaz unu fala mi, unu wi get fi tan op infronta ruula an king an tel dem bout mi.

Matyu 16:18

An ier wa mi a se no, yu a Piita, wan rak. An a pan dis ya rak mi a-go bil fi mi choch, an no powa dong a el naa go kyan mash dat op.

Matyu 2:6

‘An yu Betliyem we iina Judiya, wen yu luk pan aal di ada toun dem we a liid, yu no wot no les dan dem — yu op de mongks di tap-a-tap toun dem; kaaz a fram outa yu wan liida a-go kom we a-go protek an liid mi piipl dem we iina Izrel.’”

Ruoman 16:16

Unu fi tel unu wan aneda oudi an du it wid lov. Aal a Krais Jiizas choch dem we out ya sen oudi fi unu.

1 Korintiyan 6:20

Gad pie nof fi unu wen im sen im Bwai Pikni fi ded fi unu. So tek kier a unu badi an liv rait so dat piipl wi nuo se unu bilang tu Gad.

1 Timoti 3:1

Wen piipl se a gud sopm ef wan man waahn ton elda iina di choch, a chuu dem a taak.

Taitos 2:14

Im a di wan we gi op im laif fi siev wi fram aal kain-a wikidnis an mek wi kliin so wi kuda bi im piipl; piipl we eva a chrai fi du gud.