Aks 20:24 - Di Jamiekan Nyuu Testiment

²⁴ Bot fi mi laif no wot notn tu mi kaaz di onggl ting we mi a liv fa a fi mek shuor se mi don mi wok an du aal we mi Laad Jiizas gi mi fi du, fi tel evribadi bout di Gud Nyuuz — ou Gad lov wi, iivn duo wi no dizorv it.

Aks 20:24 ပူးပေါင်းရင်းမြစ်များ

2 Korintiyan 4:1

Gad, chuu im gud an kain, gi wi da wok ya fi du, an so wi naa gi op.

2 Korintiyan 12:10

So mi api se mi wiik. Wen piipl chriit mi bad, wen chobl tek mi, wen piipl kaaz mi fi sofa an wen tingz aad, mi stil api. Mi api fi sofa fi Krais Jiizas kaaz wen mi wiik, a da taim de mi chrang.

Aks 21:13

Den Paal ansa wi se, “Wa unu a du, a baal unu a baal an a brok mi aat? Wel, mi redi no onggl fi dem tai mi op bot aal ef a ded mi a-go ded iina Jeruusilem mi redi fi ded fi mi Laad Jiizas Krais.”

1 Korintiyan 15:58

Mi breda an sista tan op chrang an no mek notn mek yu tap biliiv. Mek shuor se unu eva a du di Laad wok sins unu nuo se aal we unu du fi Gad — unu naa du fi notn.

Ruoman 11:6

A no notn we dem du mek im pik dem, im pik dem kaaz im mek op im main fi shuo dem lov iivn wen dem no dizorv it. Ef a neva so it go, ef Gad did a pik piipl bies pan wa dem du, den a no gud an kain im wuda a gud an kain tu piipl.

Aks 14:3

So Paal an Baanabas tan de fi wan lang taim. An dem neva fried fi priich fi di Laad. Di mesij we dem did a priich bout ou di Laad lov piipl iivn duo dem no dizorv it, di Laad pruuv se a chuu dem did a taak wen im gi dem powa fi du aal kain-a mirikl an sain.

1 Piita 5:12

Silvanos, uu a laik mi breda, we riili chos iina Jiizas, a im elp fi rait da leta ya, so widoutn mek it tuu lang, mi rait fi jos elp unu fi gwaan uol aan pan Gad, an fi tel unu chrang chrang se wa Gad du fi unu riili a shuo se im lov unu bad bad. Tan op chrang iina da lov de.

Taitos 1:3

Wen di taim did rait, di Gad we siev wi, mek mi nuo bout da pramis ya an im sen mi fi go tel evribadi bout it.

Gyalieshan 1:1

Da leta ya a kom fram mi, Paal, wan a Jiizas Krais apasl. A no wan gruup a piipl mek mi ton apasl an a no man gi mi da wok ya fi du niida. Bot a Jiizas Krais an Gad we mek im kom bak alaiv sen mi fi bi wan apasl.

2 Korintiyan 5:8

So laik mi did a se, wi no fried an wi no gi op, an wi waahn fi get wi nyuu badi an go liv wid di Laad muor dan wi waahn fi kip da badi ya.

Aks 20:32

“So nou mi a put unu iina Gad an, an lef unu wid di mesij bout ou Gad lov unu iivn duo wi no dizorv it. Da mesij de wi tek kier a unu an elp unu tan op chrang an gi unu aal wa Gad pramis fi gi aal a im piipl.

Aks 11:23

Wen im riich an si ou Gad did gud tu dem iivn duo dem neva dizorv it, im did wel api an elp push aal a dem fi gwaan chos iina di Laad wid aal a dem aat.

Filipiyan 2:17

Bot iivn ef dem kil mi an jrien out mi blod laik wain we dem chuo pan sakrifais gi Gad, kaaz unu biliiv iina im an a sorv im, mi wi api. Ye! Mi an unu a-go api tugeda.

Aks 9:15

Bot di Laad se tu Ananaiyas se, “Gwaan! Kaaz mi pik da man ya fi sorv mi. Mi pik im fi go tel piipl bout mi, piipl we a no Juu, di king dem an di Izrel piipl dem tu.

Aks 1:17

Jiizas did pik Juudas fi bi wan a im apasl an so im a did wan a wi.”

Jan 17:4

Mi shuo piipl pan ort ou yu big an powaful, wen mi du di wok we yu did gi mi fi du.

Revilieshan 12:11

Gad piipl biit di devl an no gi iin tu di sitn dem we im waahn dem fi du, kaaz dem neva tap biliiv iina Jiizas we did gi op im laif pan di kraas fi dem. An dem neva tap pred di Gud Nyuuz bout Jiizas. An dem neva lov dem laif so moch dat dem wuda fried fi ded.

1 Jan 3:16

A so wi kom fi nuo riil lov, kaaz Jiizas ded fi wi an a siem wie wi fi mek op wi main fi ded fi wi breda an wi sista dem.

2 Timoti 1:12

A kaaz mi tiich di Gud Nyuuz mek mi a sofa nou. Bot iivn duo mi iina prizn mi no shiem, kaaz mi nuo uu mi biliiv iina. An mi nuo se im wi kip sief aal a di sitn dem we im chos mi wid til di die Gad kom fi joj wi.

Koloshan 1:24

Rait ya nou, mi api se mi a sofa fi unu. Mi a sofa laik ou Krais Jiizas did sofa, so mi kyan go chuu aal a we mi fi go chuu. Di sofarieshan mi a go chuu a fi mek gud sitn apm tu di choch, Krais badi.

Ifiijan 3:13

So, mi a beg unu, no bada fiil bad an fiil laik se unu waahn fi gi op, siek-a ou mi a sofa. No du dat, kaaz wa mi a sofa a fi unu uona gud.

2 Korintiyan 7:4

Mi chos unu so mi nuo se mi kyan taak tu unu chriet an unu naa go tek it no wie. Mi proud a unu so til. Wen mi tingk bout unu, it push mi fi gwaan du di wok we mi a du. Iivn wen nof chobl a lik mi, unu mek mi api. Unu mek mi api so til mi glad-bag bos.

Iibruu 10:34

Kaaz fi riil, unu aal sari fi di piipl dem we dem chuo iina prizn. An wen dem kom tek we unu sitn dem, unu mek dem galang wid dem, an aal a sumail sed wie, kaaz unu nuo se unu uon tingz we moch moch beta dan dem sitn de, an wa unu uon a-go laas fi eva.

Taitos 2:11

Gad shuo ou im lov wi iivn duo wi no dizorv it wen im mek wan wie fi piipl get siev.

2 Timoti 4:17

Bot di Laad did tan op saida mi an gi mi chrent. Im gi mi chrent so dat mi kuda priich di uol a im mesij tu di piipl dem we a no Juu. An im siev mi fram di piipl dem we did waahn fi fling mi gi di laiyan dem.

Aks 22:21

“Den di Laad se tu mi, ‘Gwaan, kaaz mi a-go sen yu faar faar tu di piipl dem we a no Juu.’”

1 Tesaluoniyan 3:3

so dem sofarieshan ya kyaahn shiek op non a unu. Kaaz unu siem wan nuo se a dat Gad plan fi wi.

1 Tesaluoniyan 2:2

Unu nuo ou wen wi did de a Filipai di piipl dem we inchaaj did mek wi sofa. Dem shiem wi bad bot Gad gi wi di chrent fi kom tu unu siem wie an kom tel unu di Gud Nyuuz, iivn duo uol iip a piipl did a chrai fi tap wi,

Aks 20:21

An mi neva fried fi tel piipl we a Juu an piipl we a Griik fi ton we fram dem sin, shuo se dem sari fi wa dem du, ton tu Gad, an biliiv iina Jiizas.

Ifiijan 1:6

Im du aal dem sopm ya so dat wi wuda priez im fi ou im gud an kain tu wi. An im shuo wi ou im gud an kain tu wi wen im sen Jiizas tu wi.

2 Timoti 3:11

Yu nuo bout aal a di sitn dem mi did afi go chuu an ou mi did sofa iina Antiyak, Aikoniyom an Lischra. Mi go chuu aal a dem sitn de an Gad bring mi chuu di uol a dem.

Ruoman 4:4

Nou ef sumadi go du wan wok, di moni we dem get wen dem don, dem naa go luk pan it an se a wan prezent. Nuo, dem a-go se a dat dem wok fa.

Jan 15:27

An unu fi tel piipl bout mi tu, kaa unu did de wid mi fram di staat.

Luuk 16:28

beg im waan mi faiv breda dem, so dem no kom dong a da plies ya, we evribadi a sofa.’

Aks 13:25

Wen Jan did suun don di wok we Gad gi im fi du im se tu di piipl dem se, ‘Unu tingk se mi a di wan we fi kom, bot mi a no im. Nuo! Bot di wan we fi kom suun kom, an mi no iivn gud inof fi tek aaf im slipaz aafa im fut.’

Aks 15:7

Afta dem did a aagyu fi wan gud wail, Piita get op an taak tu dem. Im se, “Mi breda, unu nuo ou lang taim a-go Gad pik mi fram mongks unu an yuuz mi fi tel di piipl we a no Juu di Gud Nyuuz so dem wuda biliiv iina Jiizas.

Aks 18:5

Nou wen Sailas an Timoti kom fram Masiduoniya, Paal tap mek tent an yuuz aal a im taim fi priich di mesij an tel di Juu dem se Jiizas a di wan we Gad sen fi siev piipl.

Aks 20:23

bot di Uoli Spirit waan mi se, iina evri toun we mi go, dem a-go lak mi op iina prizn an mek mi sofa.

Filipiyan 2:30

Kaaz im aalmuos ded siek-a wa im did a du fi Krais Jiizas. Iivn duo im nuo se im kuda ded, im du fi mi di sitn dem we unu kudn du.

Revilieshan 6:11

Den evri wan a dem get wan lang wait jakit we kech dem klier dong a dem fut, an sumadi tel dem se dem fi wiet likl langga til di res a Gad piipl dem we fi get kil laik dem, get kil.

2 Korintiyan 4:12

Wi nuo se wan die dem a-go kil wi kaaz wi priich bout Jiizas, bot wi wi gwaan tiich kaaz unu wi get a chaans fi nuo Jiizas an liv fi eva.