Aks 20:20 - Di Jamiekan Nyuu Testiment

²⁰ An unu nuo se wen mi did a priich tu unu, mi neva kip bak notn fram unu we kuda elp unu. An mi neva fried fi tiich unu infronta evribadi an fi go fram ous tu ous a tiich.

Aks 20:20 ပူးပေါင်းရင်းမြစ်များ

Maak 4:34

Evriting im tel dem im yuuz tuori fi tel dem. Bot wen im de mongks im speshal falara dem, im brok dong evriting tu dem fi mek dem andastan.

Aks 2:46

Evridie dem miit op iina di yaad we Gad ous de. Dem go a wan aneda ous an iit fuud tugeda an dem aat did wel api. Dem did api fi shier wid wan aneda.

Aks 20:27

Kaaz mi neva kip bak notn fram unu wen mi did a priich tu unu bout wa Gad waahn unu fi du.

Aks 20:31

So wach unuself an memba ou nait an die fi chrii ier, mi neva tap waan evri wan a unu, iivn duo mi did afi go chuu nof sofarieshan.

Aks 5:2

Im mek op im main fi kip bak som a di moni we im get fi di lan, an im waif did nuo bout it tu. Im kyari di res a di moni go gi di apasl dem.

Aks 5:42

An evridie di apasl dem go a di yaad we Gad ous de an iina piipl ous go tiich an priich di Gud Nyuuz se Jiizas a di wan we Gad sen fi siev piipl.

1 Korintiyan 12:7

Gad gi evribadi sopm fi shuo se di Uoli Spirit riil an im du dat fi wi uon gud an fi di gud a evribadi.

1 Korintiyan 14:6

Nou breda an sista, ef mi kom tu unu an a taak iina tongz ou mi fi elp unu ef unu kyaahn andastan wa mi a se? Ou mi fi elp unu ef mi naa kom tel unu bout sopm we Gad shuo mi ar mek mi andastan wen mi a riid im Wod? Ou mi fi elp unu ef a no wan mesij fram Gad mi a kom tel unu ar a no tiich mi a tiich unu sopm fram Gad wod?

1 Korintiyan 15:3

Kaaz mi tel unu di muos impuotant paat a di mesij siem laik ou Gad tel mi. Mi tel unu se Jiizas Krais kom an ded fi wi an siev wi fram wi sin dem jos laik ou Gad wod did se im wuda du it

Filipiyan 3:1

Mi breda an sista, dem ya a di laas sitn dem we mi av fi se. Mi prie se Krais Jiizas wi mek unu wel api. A no notn fi mi rait tu unu bout di siem sitn dem uova an uova agen. Matarafak, dem wi elp kip unu sief tu.

Koloshan 1:28

Wi pred di mesij bout im. Wi waan piipl an tiich piipl bout wa dem no fi du an wa dem fi du. Wen wi waan an tiich, wi yuuz aal a di sens dem we Gad gi wi. An wi du aal a dis ya so evribadi kyan kom kluos tu Krais Jiizas, an kyan kom ton ou Gad waahn dem fi ton, an no shaat a notn wen wi tek dem go infronta Gad.

2 Timoti 4:2

priich Gad wod an mek shuor se yu aalwiez redi fi priich. Ef di taim rait ar it no rait, priich it siem wie. Yu afi shuo di piipl dem di rang we dem a du an put dem iina dem plies kaaz dem a sin. Yu mos tek taim wid dem wen yu a tiich dem an push dem fi du wa rait.