Aks 20:19 - Di Jamiekan Nyuu Testiment

¹⁹ ou mi ombl miself an sorv di Laad. An unu nuo ou mi baal siek-a aal di sofarieshan we mi did afi go chuu siek-a aal wa di Juu dem du tu mi.

Aks 20:19 ပူးပေါင်းရင်းမြစ်များ

Luuk 19:41

Afta Jiizas kech nier Jeruusilem an si di siti, im staat baal fi dem

Jan 12:26

Enibadi we waahn sorv mi afi fala mi. Eniwe mi de, dem a-go de de tu, an mi Faada a-go big dem op.

Aks 17:13

Bot wen di Juu dem fram Tesalonaika ier se Paal did a priich Gad wod iina Beriya, dem kom de-so tu fi kom rail op di kroud.

Aks 17:5

Bot di Juu dem get beks se so moch piipl did jain op wid Paal an Sailas. So dem gyada op som woklis aigla fram di maakit, faam wan pasi, an staat fi kik op rompos, galang bad an ton di siti opsaid dong. Di Juu liida dem go stuon Jiesn yaad, a luk fi Paal an Sailas fi jrag dem infronta di ruula dem.

Aks 20:3

we im spen chrii mont. Bot kaaz di Juu dem did set op deriks fi kil im wen im did a go siel go Siriya, im mek op im main fi go bak chuu Masiduoniya.

Aks 20:31

So wach unuself an memba ou nait an die fi chrii ier, mi neva tap waan evri wan a unu, iivn duo mi did afi go chuu nof sofarieshan.

Aks 21:27

Wen di sevn die dem aalmuos don, di Juu we kom fram Iezha we did si Paal iina di yaad we Gad ous de rail op di kroud an grab aan pan Paal,

Aks 27:23

Mi nuo dat kaaz laas nait di Gad we mi bilang tu an we mi sorv sen wan ienjel tu mi an im se tu mi se,

Ruoman 1:1

Da leta ya a kom fram mi, Paal, wan sliev fi Krais Jiizas. Gad pik mi fi bi wan a Jiizas Krais apasl an a im gi mi di wok fi priich im Gud Nyuuz.

Ruoman 1:9

Mi sorv Gad wid aal a mi aat. A sorv mi a sorv im wen mi priich di Gud Nyuuz bout im Bwai Pikni, an im nuo se wa mi bout fi se a chuu: Mi aalwiez a tingk bout unu.

Ruoman 12:11

Unu fi wok aad an no liezi! Unu mos eva waahn fi sorv di Laad wid aal a unu aat.

2 Korintiyan 2:4

Wen mi did rait da leta de mi did sad bad bad. Mi aat did so evi mi aal baal wen mi a rait it. Mi neva rait it fi mek unu sad, bot mi rait it fi mek unu nuo umoch mi lov unu bad bad.

2 Korintiyan 3:5

Wi kyaahn du notn pan wi uon. Wi no av notn iina wi we wuda mek wi kyan du da wok ya. A Gad wan mek wi kyan du it.

2 Korintiyan 7:5

Wen wi did jos riich a Masiduoniya, wi did taiyad, wi neva get no taim fi res. Evriwe wi ton chobl lik wi. Di piipl dem we neva biliiv iina Gad did a chrai fi fait wi out an iina wi aat wi did fried.

Gyalieshan 1:10

Nou, wen mi taak so, a uu unu tingk mi a chrai fi win uova, Gad ar man? A uu unu tingk mi a chrai fi mek api? Ef mi did stil a chrai fi mek piipl api wid mi, mi wudn bi wan sliev fi Krais Jiizas.

Ifiijan 6:7

Unu aat fi api wen unu a du unu wok, jos laik se unu a du it fi di Laad, no fi piipl.

Filipiyan 3:18

Di sitn dem we mi a tel unu nou mi did tel unu bout dem nof taim aredi. An nou dat mi a tel unu agen, dem a mek mi baal kaaz nof a dem piipl de we a kaal demself Krais Jiizas falara, dem a muuv laik se dem a Krais Jiizas enimi — Krais Jiizas we ded pan di kraas.

Koloshan 3:24

Kaaz unu nuo se unu a-go get wa di Laad pramis fi gi unu fi aal a di sitn dem we unu du. Kaaz a im unu riili a wok fa.

1 Tesaluoniyan 1:9

kaaz dem siem wan taak bout ou unu chriit wi gud wen wi did kom wich paat unu de. Dem taak bout ou unu ton we fram unu faalz gad dem, fi kom sorv Gad — di riil Gad we no ded an we gi laif.

2 Timoti 1:4

Mi memba ou yu did baal an it mek mi waahn fi si yu. Kaaz mi nuo se ef mi si yu mi wuda api.

Jiemz 1:2

Mi breda an sista, unu fi wel api wen chobl an kraasiz tek unu.

1 Piita 1:6

So unu mos api bout aal a dem sitn ya, iivn duo rait ya nou unu mait-a sad fi wan likl wail siek-a aal a di chraiyal dem we unu a fies, an di sitn dem we mek unu waahn du rang.

2 Piita 1:1

Mi a Saiman Piita, wan a Jiizas Krais sorvant an apasl dem. Mi a wan a di twelv man dem we did a waak wid im. Mi a rait aal a unu we wi Gad, an Jiizas Krais di wan we siev wi, mek biliiv iina im. Im siev wi so unu kuda get fi biliiv iina im jos laik ou wi biliiv iina im. An im du dat kaaz im no paashal at aal at aal, bot kaaz im gud an kain.

Revilieshan 7:15

Siek-a dat “dem tan op infronta Gad chuon nou an a sorv im die an nait iina im ous. An di wan we sidong pan di chuon a-go liv wid dem an protek dem.