Aks 20:17 - Di Jamiekan Nyuu Testiment

¹⁷ Fram Miletos, im sen sumadi go a Efisos wid wan mesij fi tel di choch elda dem fi kom miit im.

Aks 20:17 ပူးပေါင်းရင်းမြစ်များ

Aks 11:30

Dem sen di moni wid Baanabas an Saal go gi di choch liida dem a Jeruusilem.

Aks 14:23

Iina aal a di choch dem, Paal an Baanabas pik elda gi dem fi liid dem. An afta dem spen taim a prie an kip we fram fuud, Paal an Baanabas ton di liida dem an di choch piipl dem uova tu di Laad Jiizas we dem biliiv iina.

Aks 15:23

Dis a di leta we dem gi dem fi gi di choch: Wi, di apasl an elda dem, we a unu breda, a rait an a sen oudi tu aal a unu we de a Antiyak, Siriya, an Silisiya we biliiv iina Jiizas.

Aks 15:4

Wen dem riich a Jeruusilem, di choch, di apasl dem, an di elda dem tek dem iin. Den Paal an Baanabas tel dem evriting we Gad mek dem du mongks di piipl we a no Juu.

Aks 15:6

Di apasl an di elda dem mek op dem main fi miit an diil wid di prablem.

Aks 16:4

An iina evri toun we dem go, dem gi di piipl dem we biliiv iina Jiizas di ruul dem we di apasl an di elda dem iina Jeruusilem did se di piipl we a no Juu fi fala.

Aks 18:19

Wen dem riich a Efisos Paal lef Prisila an Akwila an im go iina di Juu dem choch go taak tu dem.

Aks 20:15

Wi siel out fram de-so an di neks die wi riich a Kaiyas. Di neks die wi riich a Samos an di die afta dat wi riich a Miletos

Aks 20:28

An siem laik ou wan shepad luk aafa im Shiip dem, a siem so unu fi tek kier a unuself an Gad choch we di Uoli Spirit put unu inchaaj a, an we im mek im uon wen im bwai pikni ded pan di kraas.

1 Timoti 5:17

Unu fi ana an rispek di elda dem we a gud liida, wos ef dem wok aad fi priich an tiich. Unu fi ana dem an pie dem gud tu.

Taitos 1:5

Taitos, mi lef yu a Kriit so yu kuda saat out aal di sitn dem we did lef fi du, an fi pik elda put iina evri toun, laik mi did se.

Jiemz 5:14

Non a unu sik? Aks di choch liida dem fi kom prie fi unu. Mek dem put aliv ail pan unu an kaal pan di Laad niem.

1 Piita 5:1

Mi a taak tu di elda dem ya nou. Mi a elda laik unu, mi a wan we si fi miself ou Krais Jiizas did sofa tu, an mi tel piipl bout dis, an mi a-go daans an praans wid im wen im kom bak wid aal a di powa we evribadi a-go si. So mi a beg unu du,

2 Jan 1:1

Fram di elda tu di uman we Gad pik an ar pikni dem, mi riili riili lov unu. Evribadi we nuo di chuut lov unu tu,

3 Jan 1:1

Da leta ya a kom fram mi, di Elda — tu mi speshal fren, Gaiyos. Mi fren, mi riili riili lov yu.