Aks 20:12 - Di Jamiekan Nyuu Testiment

¹² Som a di biliiva dem fala di yong man go a im yaad. Im did alaiv an dem did wel api.

Aks 20:12 ပူးပေါင်းရင်းမြစ်များ

2 Tesaluoniyan 2:16

Nou, wi prie tu wi Laad Jiizas Krais imself an wi Faada Gad — Gad lov wi an no tap gi wi gud wod fi mek wi aat chrang, an im mek wi kyan luk faawod tu som gud sitn tu we im pramis fi gi wi, duo wi no dizorv dem at aal at aal.

1 Tesaluoniyan 5:14

An breda an sista, wi beg unu fi waan di aiglaz dem we no waahn wok; elp di wan dem we friedi-friedi fi get briev, an elp di wan dem we wiik iina eni kain-a wie tu. An beg unu du, tek unu taim wid evribadi.

2 Korintiyan 1:4

Wen wi a go chuu aal kain-a kraasiz an sofarieshan, a im kom elp wi an push wi fi gwaan tan chrang. Im du dat so wi kyan ton roun an elp ada piipl we a go chuu sofarieshan, no mata wa kain-a chobl dem av, an elp dem siem laik ou im elp wi.

1 Tesaluoniyan 5:11

So unu fi taak di sitn dem fi elp unu wan aneda get chrang, laik wa unu a du nou, an gwaan bil op unu wan aneda.

1 Tesaluoniyan 4:18

So, yuuz dem wod ya elp unu wan aneda, so unu aat wi no evi dong.

1 Tesaluoniyan 3:2

An wi sen Timoti tu unu. Timoti wi breda, we a wok wid Gad an a priich di Gud Nyuuz bout Krais Jiizas. Wi sen im fi bil unu op iina wa unu biliiv, an fi mek unu kyan uol aan,

Ifiijan 6:22

A dat mi sen im tu unu fa, so unu wi nuo ou tingz a go wid wi, an so dat wa im tel unu wi elp mek unu api.

Aks 20:11

Den Paal go bak opstiez, an afta im brok bred an iit, im taak wid dem fi wan lang taim so til die lait. Afta dat im lef.

Aks 20:13

Wi tek wan ship an siel go a Asos we Paal wuda jain wi pan di ship. Paal did set tingz op da wie ya, kaaz im did mek op im main fi tek fut an no siel go a Asos.