Aks 20:1 - Di Jamiekan Nyuu Testiment

¹ Afta di el an powda ous iina di siti sekl dong, Paal sen fi di biliiva dem. Im taak tu dem an elp dem fi tan op chrang iina wa dem biliiv an den im tel dem ba-bai an lef fi go a Masiduoniya.

Aks 20:1 ပူးပေါင်းရင်းမြစ်များ

2 Korintiyan 7:5

Wen wi did jos riich a Masiduoniya, wi did taiyad, wi neva get no taim fi res. Evriwe wi ton chobl lik wi. Di piipl dem we neva biliiv iina Gad did a chrai fi fait wi out an iina wi aat wi did fried.

Aks 19:21

Afta aal a dem sitn ya apm, Paal mek op im main fi go op a Jeruusilem, so im chravl chuu Masiduoniya an Akaiya. An im se, “Afta mi spen som taim op de, mi afi go a Ruom fi a likl wail.”

1 Timoti 1:3

Wen mi did a go Masiduoniya, mi beg yu fi tan a Efisos so yu kyan waan di piipl dem we naa tiich Gad wod fi tap pred faalz wod.

1 Tesaluoniyan 5:26

Wen unu kom kom worship, kis di breda an sista dem an tel dem oudi.

1 Korintiyan 16:20

Aal a di breda an sista dem sen oudi fi unu. Unu fi tel unu wan aneda oudi an du it wid lov iina unu aat.

1 Korintiyan 16:5

Mi a-go go chuu Masiduoniya, so afta mi go chuu de-so, mi wi kom luk fi unu.

Ruoman 16:16

Unu fi tel unu wan aneda oudi an du it wid lov. Aal a Krais Jiizas choch dem we out ya sen oudi fi unu.

Aks 20:37

An aal a dem staat fi baal loud loud an og op Paal an kis im.

Aks 20:10

Bot Paal go dongstiez, an chrech out imself uova di yong man badi an og im op. Den im se tu di piipl we did de de se, “Unu no bada baal, im stil alaiv.”

Aks 16:9

Iina di nait Paal get wan vijan. Im si wan man fram Masiduoniya tan op an a beg im aad aad se, “Kom uova Masiduoniya kom elp wi!”

Aks 11:26

an wen im fain im, im kyari im baka Antiyak wid im. So fi wan uol ier Baanabas an Saal miit op wid di choch piipl an tiich kroud an kroud a piipl. An dong a Antiyak a di fos plies we di biliiva dem get di niem Kristiyan.

2 Korintiyan 13:12

Unu fi tel unu wan aneda oudi an du it wid lov. Aal a di breda an sista dem sen oudi fi unu.

Aks 16:12

Fram de-so wi siel go a Filipai. Filipai a did wan big impuotant siti iina da ieriya a Masiduoniya de we a did wan Ruoman parish.

Aks 20:2

Afta im paas chuu da ieriya de an taak tu di biliiva dem an elp dem tan op chrang iina wa dem biliiv, im riich a Griis,

Aks 20:3

we im spen chrii mont. Bot kaaz di Juu dem did set op deriks fi kil im wen im did a go siel go Siriya, im mek op im main fi go bak chuu Masiduoniya.

Ruoman 15:19

an siek-a di sain dem an di mirikl dem we Gad Spirit gi mi di powa fi du. So fram Jeruusilem go klier a Ilirikom, mi priich di Gud Nyuuz bout Krais Jiizas aal bout.