Aks 2:5 - Di Jamiekan Nyuu Testiment

⁵ Nou yu did av som Juu we aalwiez a worship Gad an we kom fram aal uova di worl. Di uol a dem did a stie iina Jeruusilem.

Aks 2:5 ပူးပေါင်းရင်းမြစ်များ

Matyu 24:14

An da Gud Nyuuz ya bout Gad Kindom afi go priich aal uova di worl. So evribadi wi get di chaans fi ier di chuut. A onggl afta dat, di worl a-go don.

Luuk 17:24

Di die di Man we Gad Pik kom bak, a-go komiin laik wen laitnin flash kraas di skai an lait op di uol worl.

Luuk 2:25

Nou yu did av wan man iina Jeruusilem niem Simiyan. Simiyan a did wan gud sumadi we riili did a liv fi Gad. Im did a wiet fi Gad frii Izrel fram sofarieshan an di Uoli Spirit did de wid im.

Luuk 24:18

Di wan niem Kliiyopas, se tu Jiizas se, “Yu mosi di onggl sumadi we kom iina Jeruusilem we no nuo bout di sitn dem wa apm dem laas kopl a die ya.”

Jan 12:20

Nou yu did av som Griik piipl we di de mongks dem we did a go a Jeruusilem fi di Paasuova Alidie fi priez Gad.

Aks 10:2

Im an im uol fambili aalwiez worship Gad. Nof taim im wuda elp puo piipl an im aalwiez a prie tu Gad.

Aks 10:7

Afta di ienjel we taak tu im lef, Kaaniiliyos kaal tuu a im speshal sorvant dem an wan a im suoja we sorv im an we aalwiez worship Gad.

Aks 13:50

Bot di Juu dem rail op di uman dem we rich an we worship Gad, an di big impuotant man dem iina di toun. Dem du som torbl sitn gens Paal an Baanabas an mek dem sofa an ron dem outa dem toun.

Aks 2:1

Wen Pentikas die kom, aal a di piipl we biliiv iina Jiizas did gyada op iina di siem plies.

Aks 22:12

“Wan man niem Ananaiyas, we riili worship Gad an liv di wie ou di Laa se wi fi liv an we aal di Juu we liv de taak gud bout

Aks 8:2

Som man we worship Gad beri Stiivn an dem ala an baal fi im.

Aks 8:27

So Filip get op an lef. Wen im did a chravl pan di ruod, im bok op wan man we kom fram Iitiyuopiya. Im a did wan impuotant man. A im did inchaaj a aal a di moni fi Kyandiis, kwiin fi Iitiyuopiya. Im did go a Jeruusilem fi go worship Gad an wen im a go baka im yaad

Koloshan 1:23

A so it go, ef unu riili uol aan chrang an gwaan chos iina im, an ef unu no tap luk faawod tu di gud sitn dem unu ier bout wen unu ier di Gud Nyuuz. Piipl pred da Gud Nyuuz de aal uova di worl. An mi, Paal, mi ton Gad sorvant, so mi kyan pred di Gud Nyuuz tu.