Aks 2:4 - Di Jamiekan Nyuu Testiment

⁴ Di Uoli Spirit tek kanchuol a aal a dem an gi dem powa fi taak iina som difrant difrant langwij.

Aks 2:4 ပူးပေါင်းရင်းမြစ်များ

Matyu 10:19

Bot wen dem uol aan pan unu an kyari unu go kuot, no bada fret bout wa unu a-go se ar ou unu a-go se it. Kaaz wen da taim de kom unu wi get di rait wod fi se.

Maak 16:17

Di wan dem we biliiv a-go get powa fi du dem sitn ya: dem wi yuuz fi mi niem an ron out diiman, dem wi taak som nyuu langwij,

Luuk 1:15

Yu bwai pikni a-go speshal iina Gad yai. Im no fi jringk no wain ar no ada chrang jringk. Di Uoli Spirit a-go kanchuol im fram im iina im mada beli.

Luuk 1:41

Az Ilizibet ier Mieri se oudi so, di biebi iina ar beli jomp. An di Uoli Spirit tek kanchuol a Ilizibet

Luuk 1:67

Di Uoli Spirit tek kanchuol a Jan faada so im staat fi se:

Luuk 12:12

kaaz di Uoli Spirit wi tel unu wa fi se wen da taim de kom.

Luuk 21:15

Mi wi gi unu di wod dem so unu wi nuo ou fi ansa, so non a unu enimi dem kyaahn tan op gens unu ar se unu rang.

Luuk 4:1

Afta Jiizas get baptaiz, di Uoli Spirit tek kanchuol a im an mek im go iina di dezot.

Jan 14:26

Bot di elpa, di Uoli Spirit, we di Faada gweehn sen kaa unu a mi falara, im a-go tiich unu evriting an im a-go memba unu bout evriting mi tel unu.

Jan 20:22

Afta im se dat im bluo pan dem an se, “Mek di Uoli Spirit kom iina unu laif.

Aks 1:5

Kaaz Jan baptaiz piipl wid waata, bot kopl die fram nou Gad a-go baptaiz unu wid di Uoli Spirit.”

Aks 1:8

Bot di Uoli Spirit a-go kom pan unu an ful unu op wid powa an unu wi tel piipl iina Jeruusilem, Judiya, Samieriya an aal uova di worl bout mi.”

Aks 10:46

Dem nuo se dem get di Uoli Spirit kaaz dem did ier di piipl we a no Juu a taak iina tongz an a priez Gad. Den Piita se,

Aks 10:47

“Gad gi di Uoli Spirit tu dem piipl ya siem laik wi, so enibadi kyan tap dem fram get baptaiz?”

Aks 11:15

“Den siem taim mi staat taak tu dem, di Uoli Spirit tek kanchuol a dem siem laik ou im did tek kanchuol a wi di fos taim.

Aks 11:24

Baanabas a did wan gud man. Di Uoli Spirit did tek kanchuol a im laif an im did biliiv nof nof. Siek-a im, uol iip muor piipl ton tu di Laad an get siev.

Aks 13:52

An di choch piipl dem did wel api an di Uoli Spirit did tek kanchuol a dem.

Aks 13:9

Bot di Uoli Spirit tek kanchuol a Saal (we dem kaal Paal), an im luk chriet pan Elimas

Aks 15:8

Gad, di wan we nuo evribadi aat, gi dem im Uoli Spirit, an dat shuo se im tek dem fi im piipl siem laik ou im did du wid wi.

Aks 19:6

An wen Paal put im an pan dem, di Uoli Spirit tek kanchuol a dem, an dem staat taak iina wan chrienj wie we nobadi no nuo ar andastan, an gi out mesij we kom fram Gad.

Aks 2:11

(piipl we a Juu an piipl we ton Juu); piipl we kom fram Kriit an piipl we a Arab — wi ier di uol a dem a taak iina fi wi uona langwij bout di powaful sitn dem we Gad du!

Aks 2:3

Den dem si som sitn we luk laik som likl faiya we shiep laik tong kom res pan evri wan a dem ed.

Aks 4:31

Afta dem don prie, di ous we dem did a miit get shiek op. Di Uoli Spirit tek kanchuol a dem an mek dem priich Gad wod an no fried a notn.

Aks 4:8

Di Uoli Spirit tek kanchuol a Piita, den Piita se tu dem: “Unu we a di ruula dem an di elda dem fi di piipl,

Aks 6:3

So breda an sista unu pik sevn man fram mongks unu. Evribadi mos si se dem mek di Uoli Spirit kanchuol dem laif an dem wel waiz. Wi wi put dem inchaaj a da wok ya,

Aks 6:5

Aal a di piipl dem we did biliiv iina Jiizas did api fi du wa di apasl dem did se dem fi du. So dem pik Stiivn, wan man we biliiv iina Gad nof nof an we di Uoli Spirit kanchuol. An dem pik Filip, Prakoros, Nekenor, Timon, Paaminas, an Nikolas we did ton wan Juu an we did kom fram Antiyak.

Aks 6:8

Stiivn a did wan man we Gad did a yuuz fi du som powaful mirikl an sain mongks di piipl.

Aks 7:55

Bot di Uoli Spirit tek kanchuol a Stiivn. Im faasn im yai op iina di skai an si Gad brait brait lait iina evn an Jiizas tan op a Gad rait-an-said.

Aks 8:17

So Piita an Jan put dem an pan dem an di Uoli Spirit kom liv iina dem.

Aks 9:17

So Ananaiyas go a di ous we Saal did de. Im go iina di ous, put im an pan Saal an se, “Breda Saal, di Laad Jiizas, di wan we yu did si wen yu did de pan yu wie a kom ya, im sen mi tu yu. Im sen mi so yu wi kyan si agen an fi mek di Uoli Spirit kom liv iina yu.”

Ruoman 15:13

Mi prie se Gad, Gad we kaaz piipl fi luk fa an nuo fi shuor se dem wi get wa im pramis, mi prie se im wi gi unu piis iina unu aat an mek unu aat api, api kyaahn don kaaz unu biliiv iina im. Mi prie se im du dat, so dat di Uoli Spirit wi kaaz unu muor an muor fi luk fi get di sitn dem we Gad pramis an nuo fi shuor se yu wi get dem.

1 Korintiyan 12:10

Som piipl, Gad Spirit mek dem kyan wok mirikl. Wan neda set a piipl, di Spirit mek dem kyan priich Gad mesij. Ada piipl di Spirit gi dem di powa fi nuo ef a Gad Spirit a mek som piipl kyan du sortn tingz ar ef a som ada spirit a mek dem du it. Di Spirit aal mek som piipl kyan taak iina tongz an a di siem Spirit kaaz ada piipl fi andastan dem.

1 Korintiyan 13:1

Ef mi kuda taak aal a di langwij dem iina di worl, aal taak di langwij wa di ienjel dem yuuz bot no av lov iina mi aat, mi komiin laik wan bel ar wan metal pan we jos a mek naiz.

1 Korintiyan 13:8

Chuu lov neva eva tap — it kyaahn ded. Bot wan die di piipl dem we kyari mesij chriet fram Gad, a-go tap kyari mesij. An di piipl dem we taak iina tongz, wan die dem a-go tap taak iina tongz. An di piipl we kyan andastan di tingz dem we Gad shuo wi, wan die dem a-go tap tu.

1 Korintiyan 14:18

Mi tangk Gad se mi taak iina tongz muo dan unu.

1 Korintiyan 14:5

Nou mi waahn aal a unu fi kyan taak iina tongz bot muo dan dat mi waahn unu fi kyan kyari mesij fram Gad kom tel di piipl dem. Kaaz di wan dem we kyari mesij fram Gad muo impuotant dan di wan dem we taak iina tongz, ef wen dem taak iina tongz dem kyaahn tel wi wa it miin.

Ifiijan 3:19

Mi prie se unu wi nuo bout Krais Jiizas lov iivn duo nobadi kyaahn figa out umoch im riili riili lov wi. Wen unu nuo bout Krais lov, Gad wi tek kanchuol a unu laif iina evri wie so til unu komiin jos laik im.

Ifiijan 5:18

No bada jringk chrang jringk an get jongk an galang bad an gwaan wid aal kain-a naasinis. Wa unu fi du a mek di Uoli Spirit tek kanchuol a unu laif.

Ifiijan 6:18

An evritaim unu a prie, mek di Uoli Spirit liid unu. An no mata wa, no tap aks Gad fi elp unu an aal a im piipl iina evriting. Nou dat unu nuo aal a dem sitn ya, wach out an kip unu yai dem waid uopm aal di taim.

1 Piita 1:12

Gad mek dem si se wa dem did a taak bout a neva did fi dem, bot dem did fi apm fi unu. Di sed sitn we di prafit dem did se, a di siem Gud Nyuuz di priicha dem kom gi unu. A di Uoli Spirit, we did sen dong fram evn, did gi dem di powa fi kom kom tel unu — aal ienjel did waahn andastan dem sitn ya!

2 Piita 1:21

Kaaz no mesij fram Gad neva kom bout bies pan we no man ar uman waahn, bot a di Uoli Spirit did tek kanchuol a piipl an mek dem gi mesij we kom fram Gad.