Aks 2:38 - Di Jamiekan Nyuu Testiment

³⁸ Piita tel dem se “Aal a unu, ton we fram unu sin dem an shuo se unu sari fi wa unu du, get baptaiz iina Jiizas Krais niem an Gad wi paadn unu fi unu sin dem. Ef unu du dat, Gad wi gi unu im gif, dat a di Uoli Spirit.

Aks 2:38 ပူးပေါင်းရင်းမြစ်များ

Matyu 28:19

So gwaan, yuuz fi mi powa, tiich mi mesij tu piipl evriwe, so dem kyan ton mi falara tu. An yuuz di powa we di Faada, di Bwai Pikni an di Uoli Spirit gi an baptaiz dem.

Matyu 3:2

Im se, “Ton we fram unu sin, kaa di die suun kom wen evn a-go ruul uova di worl iina evri wie!”

Matyu 3:6

an wen dem taak infronta evribadi bout aal a di rang sitn we dem du, an ou dem sari se dem du dem sitn de, im baptaiz dem iina di Jaadn Riva.

Matyu 4:17

Fram da taim de, Jiizas staat priich da mesij ya: “Ton we fram unu sin an chienj unu wiez, kaa di die suun kom wen evn a-go ruul uova di worl iina evri wie!”

Maak 1:15

Im se, “A taim nou! Gad suun ruul iina evri wie! Ton we fram unu sin an ton tu Gad an biliiv di gud nyuuz!”

Maak 16:16

Ef nobadi biliiv an get baptaiz, a dem a-go get siev, bot di wan dem wa no biliiv, jojment fi dem!

Luuk 24:47

an iina fi mi niem unu fi priich an tel di piipl dem we a no Juu fi ton tu Gad an get paadn fi we dem du rang. Staat rait ya-so iina Jeruusilem.

Luuk 3:10

Di kroud aks Jan, “So wa wi fi du den?”

Aks 10:43

Aal a di prafit dem taak bout im an se Gad wi paadn enibadi we biliiv iina Jiizas fi aal a dem sin kaaz dem chos iina Jiizas.”

Aks 10:48

So Piita gi aada fi dem get baptaiz iina Jiizas Krais niem. Den di piipl a Kaaniiliyos ous aks im fi stie wid dem fi a likl wail.

Aks 13:38

“So mi breda an sista, mi waahn unu fi nuo dis, so wi a tel unu se, siek-a wa Jiizas du, Gad waahn unu fi nuo se unu kyan get paadn fu'unu sin dem.

Aks 16:15

Afta shi an di piipl we liv a ar ous get baptaiz, shi beg wi fi kom a ar yaad. Shi se, “Ef unu tek mi fi wan a di Laad piipl we riili biliiv iina im, kom tan a mi yaad.” Shi win wi uova, so wi go wid ar.

Aks 17:30

So fos taim wen piipl neva nuo Gad, im neva ponish dem. Bot nou im a aada evribadi evriwe fi ton we fram dem sin an beg Gad paadn,

Aks 20:21

An mi neva fried fi tel piipl we a Juu an piipl we a Griik fi ton we fram dem sin, shuo se dem sari fi wa dem du, ton tu Gad, an biliiv iina Jiizas.

Aks 22:16

So wa yu a wiet fa nou? Git op, kaal pan Gad niem, get baptaiz an mek Gad wash we yu sin.’

Aks 26:18

Mi a sen yu tu dem so yu kyan elp dem fi si an kom outa di daaknis an kom iina di lait. An mi a sen yu fi elp dem get frii fram Sietan powa an mek Gad ruul dem laif. Da wie de dem wi ton paat a Gad piipl uufa sin im paadn kaaz dem biliiv iina im.’

Aks 26:20

So di fos plies mi priich a Damaskos. Afta dat mi priich iina Jeruusilem an aal uova Judiya. Mi priich tu di piipl we a no Juu tu. Mi tel dem fi ton we fram dem sin an ton tu Gad an fi du di sitn dem we shuo se dem riili sari bout dem sin.

Aks 3:19

So ton we fram unu sin, beg Gad paadn an kom bak tu im, so dat im wi tek we unu sin dem.

Aks 5:31

Gad big op Jiizas an put im fi sidong a im rait an. Im mek Jiizas wan liida an di wan we a-go siev piipl so dat di Izrel piipl wuda get di chaans fi ton we fram dem sin, shuo se dem sari, an get dem sin paadn.

Aks 8:12

Bot wen dem biliiv di gud nyuuz we Filip did a priich bout Gad kindom an Jiizas Krais, evribadi, man an uman go get baptaiz.

Aks 8:20

Piita se, “Mi uop se yu an yu moni go a el kaaz yu tingk se yu kuda bai di Uoli Spirit wa Gad gi piipl!

Ruoman 6:3

Unu no nuo se wen wi did get baptaiz, wi an Jiizas ton wan? An wen wi did get baptaiz a laik wi did ded siem laik ou im did ded.

Ifiijan 1:7

Jiizas gi op im laif pan di kraas an fi im blod mek wan wie fi frii wi an paadn wi fram wi sin dem. A chuu Gad gud an kain mek dem sopm ya kyan apm.

Taitos 3:5

im siev wi. A no kaaz a notn gud we wi du bot kaaz im lov wi an im andastan wa wi go chuu. Gad siev wi wid di powa a im Uoli Spirit we wash wi an gi wi nyuu laif.

1 Piita 3:21

Dem flod waata de komiin laik baptizam we siev wi ya nou. Baptizam a no fi wash aaf wi badi. Wen wi baptaiz, it miin se wi kanchens klier klier an wi mek wan pramis tu Gad. An dat siev wi kaaz Gad mek Jiizas Krais ded an kom bak alaiv.