Aks 2:24 - Di Jamiekan Nyuu Testiment

²⁴ Bot Gad mek im kom bak alaiv an frii im fram det powa kaaz det kudn kip im dong fi eva.

Aks 2:24 ပူးပေါင်းရင်းမြစ်များ

Matyu 27:63

Dem se, “Sa, wi memba wen da oul laiyad de did stil a liv, ou im weehn se, ‘Afta chrii die mi a-go kom bak alaiv.’

Jan 10:18

Nobadi no tek we mi laif fram mi. A mi gi it op miself. Mi av di powa fi gi it we an mi av di powa fi tek it bak. A dis ya mi Faada tel mi fi du.”

Jan 10:35

Nou, wi nuo se wa rait dong iina Gad wod aalwiez chuu. So nou, ef Gad did se di piipl dem we im did a taak tu dem taim de a ‘gad,’

Jan 12:39

An dem kudn chos iina im kaaz jos laik wa Aizaiya se a wan neks plies,

Jan 20:9

(Yu si, aal nou dem neehn get we Gad wod se bout ou Jiizas did afi kom bak alaiv.)

Aks 1:16

an se tu dem se, “Breda an sista, wa rait dong iina Gad wod did afi apm. Lang bifuo it apm, di Uoli Spirit did mek Dievid taak bout Juudas, di wan we sel out Jiizas an mek di piipl dem ares im.

Aks 13:30

Bot Gad mek im kom bak alaiv,

Aks 13:37

Bot di wan we Gad mek ded an kom bak alaiv, fi'im badi neva ratn.

Aks 17:31

kaaz im set wan die wen im a-go joj aal a di piipl iina di worl. An im av wan speshal man we a-go joj piipl fi'im, an da man de a-go joj evribadi di wie ou dem fi get joj — im no paashal. An Gad mek da man de kom bak alaiv afta im did ded fi mek evribadi si se a no no juok ting im a diil wid.”

Aks 2:32

Gad did mek da siem Jiizas de kom bak alaiv, an di uol a wi did si wid wi uona yai.

Aks 3:15

Unu kil di wan we gi piipl riil laif, bot Gad mek im kom bak alaiv. An wi si aal a dat wid wi uona yai.

Aks 3:26

So wen Gad riez op Jiizas im sorvant, im sen im kom a unu fos fi bles unu. Im bles unu wen im kaaz unu fi ton we fram unu wikidnis.”

Aks 4:10

lisn mi, mi waahn aal a unu an evribadi we iina Izrel fi nuo, a Jiizas Krais we kom fram Nazaret mek im beta. Jiizas we unu kil pan di kraas, an we Gad mek kom bak alaiv, a im mek da kripl man ya tan op chrang infronta unu tide.

Aks 5:30

Unu niel op Jiizas pan di kraas an kil im, bot di Gad fi fi wi faada faada dem, im mek im kom bak alaiv.

Ruoman 10:9

Kaaz ef yu se wid yu uona mout infronta piipl dat “Jiizas a Laad” an ef yu biliiv iina yu aat se Gad mek im kom bak alaiv, yu wi get siev.

Ruoman 14:9

A dat mek Krais Jiizas did ded an den kom bak alaiv; im du dat so dat im wuda bi Laad uova evribadi — Laad fi di piipl we ded an Laad fi di piipl we alaiv.

Ruoman 4:24

it rait fi wi tu. It rait dong fi aal a wi we Gad a-go mek tingz rait wid kaaz wi biliiv iina im. Wi biliiv iina di Gad we mek wi Laad Jiizas kom bak alaiv.

Ruoman 6:4

Wen wi did get baptaiz, a laik wi did ded an beri wid Jiizas Krais. Wi did ded an beri wid im so dat siem laik ou di Faada yuuz fi im griet powa an mek Krais Jiizas kom bak alaiv, a siem so im wuda mek wi kom bak alaiv an gi wi wan nyuu laif.

Ruoman 8:11

A Gad Spirit mek Jiizas kom bak alaiv. So den, ef Gad Spirit a liv iina unu, siem laik ou it mek Jiizas kom bak alaiv a siem so Gad wi yuuz im Spirit fi mek fi wi badi kom bak alaiv afta wi ded.

Ruoman 8:34

So den uu kyan joj di piipl we Gad pik an se dat dem gilti? Nobadi! Nobadi kyaahn du dat! Jiizas Krais we did ded an kom bak alaiv an uu sidong a Gad rait an, a taak tu Gad an a beg fi wi.

1 Korintiyan 15:12

Nou ef wi a priich se Krais Jiizas kom bak alaiv, ou som a unu kyan a se dat nobadi kyaahn kom bak alaiv?

1 Korintiyan 15:15

An ef a chuu se nobadi kyaahn kom bak alaiv afta dem ded den wi a tel lai pan Gad tu wen wi tel piipl se im mek Jiizas Krais kom bak alaiv.

1 Korintiyan 15:20

Bot di chuut a dat Jiizas Krais did kom bak alaiv. An im mek wi nuo fi shuor se Gad a-go mek ada piipl we ded an we biliiv iina im kom bak alaiv tu.

1 Korintiyan 15:4

Mi tel unu se dem beri im an wen chrii die paas im kom bak alaiv, jos laik ou Gad wod se im wuda kom bak.

1 Korintiyan 6:14

Gad yuuz im powa an mek di Laad kom bak alaiv, an im a-go mek wi liv agen tu.

2 Korintiyan 4:14

Kaaz wi nuo se siem laik ou Gad mek wi Laad Jiizas kom bak alaiv, im wi mek wi kom bak alaiv tu kaaz wi biliiv iina Jiizas. An Gad wi tek wi op wid unu an bring wi wich paat im de.

Gyalieshan 1:1

Da leta ya a kom fram mi, Paal, wan a Jiizas Krais apasl. A no wan gruup a piipl mek mi ton apasl an a no man gi mi da wok ya fi du niida. Bot a Jiizas Krais an Gad we mek im kom bak alaiv sen mi fi bi wan apasl.

Ifiijan 1:20

we im yuuz mek Jiizas kom bak alaiv an gi im di tap-a-tap pozishan saida im iina evn.

Koloshan 2:12

An wen unu did get baptaiz, a laik se unu did ded an beri wid Krais Jiizas. An a laik se Gad mek unu liv agen tu wen Jiizas kom bak alaiv. Im du dat jos kaaz unu chos iina im powa. A im tek we Jiizas fram mongks ded piipl an mek im kom bak alaiv.

1 Tesaluoniyan 1:10

An dem taak bout ou unu a wiet fi Jiizas, Gad Bwai Pikni, fi kom fram evn. Jiizas, we Gad mek kom bak alaiv. Jiizas, we siev wi fram Gad jojment we a kom.

Iibruu 13:20

Gad gi wi piis iina wi aat. Im tek di blod we mek di nyuu plan bitwiin wi an im laas fi eva, an mek di ed shepad fi di shiip dem kom bak alaiv — dat a wi Laad Jiizas Krais. Mi prie se di Gad, we du aal a dem sitn ya

Iibruu 2:14

So den, sins dem pikni ya a piipl laik evribadi els, im did ton sumadi jos laka dem, da wie de, wen im go ded, im kuda tek we di devl powa, an mek im naa no muo powa fi kil nobadi.

1 Piita 1:21

An a im mek unu biliiv iina Gad — Gad we did mek im kom bak alaiv an ana im. So da wie de unu wi chos iina Gad an unu wi kyan nuo fi shuor se im a-go kip im wod an du som gud sitn fi unu.

Revilieshan 1:18

Mi alaiv! Mi did ded wan taim, bot luk, nou mi a liv fi eva! Mi av di kii an di powa fi uopm ar lak op di plies we di ded piipl dem de, an mi kyan mek dem kom bak alaiv.