Aks 2:23 - Di Jamiekan Nyuu Testiment

²³ Azkaadn tu im plan, Gad gi uova da man de tu unu kaaz a so im did set it op, an im did don nuo se a so tingz did a-go go. An unu mek di piipl we a no Juu kil im pan di kraas.

Aks 2:23 ပူးပေါင်းရင်းမြစ်များ

Luuk 22:22

It don disaid aredi ou di Man we Gad Pik a-go ded bot chobl fi di wan we sel im out.”

Aks 4:28

Dem kom tugeda fi du aal wa yu did don plan se wuda apm an it apm da wie de kaaz a yu powa an kaaz dat a wa yu did waahn fi apm.

Aks 3:18

Bot lang bifuo it apm, Gad tel im prafit dem se di wan we im wuda sen fi siev piipl wuda sofa, an a siem so im mek it apm.

1 Piita 1:20

Gad did pik im fi du dis fram bifuo dis ya worl did mek an im shuo op iina di laas die dem fi unu uona gud.

Aks 13:27

Bot di piipl dem we liv iina Jeruusilem an dem ruula dem neva andastan se Jiizas a di wan we did kom fi siev dem. Di sitn dem we di prafit rait an we di piipl an dem liida dem riid bout iina dem choch evri Sabat, dem mek aal a dem sitn de kom chuu wen dem ton dem bak pan Jiizas an sen im fi go ded.

Matyu 26:24

Di Man we Gad Pik mos go siem ou Gad wod se im a-go go, bot yu si di man we sel im out — chobl fi'im mi tel yu! Im wuda betaraaf ef im neehn baan.”

Ruoman 4:17

It aal rait dong iina Gad wod dat Gad tel Iebriyam se, “Mi a-go mek yu di faada fi nof difrant piipl fram aal uova di worl.” Da pramis ya, gud, siek-a uu Gad bi. Dis a di Gad we Iebriyam did biliiv iina, di Gad we mek ded piipl kom bak alaiv an we kaaz evriting fi de bout, aal di sitn dem we neva de bout bifuo.

Aks 5:30

Unu niel op Jiizas pan di kraas an kil im, bot di Gad fi fi wi faada faada dem, im mek im kom bak alaiv.

Revilieshan 13:8

Evribadi we liv pan di ort a-go worship di wail animal. Di onggl piipl we naa go worship im a di wan dem we riili a liv. Fi dem niem rait dong bifuo di worl mek iina di buk we di Biebi Shiip av — di Biebi Shiip we did get kil.

Juud 1:4

Kaaz som man slip iina unu choch anda di kwaiyat. Dem man de maak fi get mash dong fram wie bak wen, an a dat mi a-go tel unu bout. Dem man de no av notn fi du wid Gad. Kaaz Gad lov piipl iivn duo dem no dizorv it, dem yuuz dat fi du aal kain-a wikidnis an ton gens Jiizas Krais, wi onggl maasta an Laad.

1 Piita 1:2

Faada Gad pik unu fi wan riizn, jos laik im did a plan fi du lang bifuo unu baan. An im Spirit kliin op unu aat so unu kyan fala wa Jiizas Krais se. An Jiizas blod mek unu kliin tu. Mi prie se Gad wi aalwiez shuo unu im lov iivn duo wi no dizorv it an gi unu piis iina unu aat.

Aks 15:18

an piipl nuo dem sitn de fram wie bak wen.”

Luuk 24:20

Di ed priis dem an wi ruula dem an im uova so dem kuda kil im, an dem niel im op pan wan kraas.

Luuk 22:37

Mi a tel unu, it rait dong se, ‘An dem kaal out im niem wid aal di kriminal dem.’ Wa rait dong, afi apm. A mi it a taak bout an it a gwaan rait ya nou an it a-go don suun suun.”

Aks 7:52

Wich wan a Gad prafit dem fi unu faada faada dem neva mek sofa? Dem aal kil Gad mesinja dem we did tel dem fram wie bak wen se di wan we aalwiez du we rait did a kom. Bot unu sel im out an kil im.

Jan 19:24

Di suoja dem se tu dem wan aneda se, “Mek wi no tier tier it op. Mek wi chuo dais an si uu fi get it.” Nou dis ya apm so dat wa Gad wod se wuda kom chuu. It se, “Dem shier op mi kluoz mongks dem wan aneda an dem tek dais gyambl fi mi kluoz.” So a sed ting di suoja dem du.

1 Piita 2:8

an wan neks paat iina Gad wod se, “Dis a wan stuon we kaaz man fi tombl dong — wan rak we wi chrip dem.” Dem tombl dong a grong kaa dem neva fala wa Gad se. An dat a wa Gad did plan fi dem.

Matyu 20:19

Dem a-go gi'im tu di piipl dem we a no Juu fi dem laaf aafa im an tek im mek preke, biit im wikid wikid an afta dat dem a-go kil im pan di kraas. Bot chrii die afta dem kil im, im a-go kom bak alaiv.”

Matyu 27:35

Wen dem don niel im pan di kraas, dem chuo dais fi shier op im kluoz.

Maak 15:24

Den dem niel im pan di kraas. Di suoja dem chuo dais fi shier op im kluoz an fi fain out uu fi get wich paat.

Luuk 23:33

Wen dem kech a di plies we niem Di Skol, dem niel op Jiizas an di kriminal dem pan di kraas dem, wan pan di rait-an-said a Jiizas an di ada wan pan im lef.

Jan 19:18

A de-so dem niel im op fi ded wid tuu ada man — wan pan im rait-an-said, di ada pan im lef-an-said.

Aks 2:36

“So mi waahn aal a unu Izrel piipl fi nuo an andastan dis: Gad mek da siem Jiizas ya Laad an Krais.”

Aks 5:28

Im se tu dem se, “Wi neva aada unu chrang chrang se unu no fi tiich nobadi bout di sitn dem we da man de niem Jiizas se unu fi tiich? Bot luk wa unu du. Unu ful op Jeruusilem wid di sitn dem we im tiich. An no onggl dat, unu chrai put fi'im blod pan wi an dem an se a wi kil im.”

Ruoman 2:12

Di piipl we no nuo Gad Laa stil a-go get ponish fi dem sin. Gad a-go joj dem bies pan wa dem du. Di piipl we nuo Gad Laa an stil a sin, a-go get ponish tu. Gad a-go yuuz di Laa fi joj dem.

1 Tesaluoniyan 2:15

A dem siem Judiyan piipl de kil aaf di Laad Jiizas; dem did kil di prafit dem tu. An den dem kom kom mek wi sofa. Dem mek Gad beks bad! An dem an nobadi a no fren!