Aks 2:21 - Di Jamiekan Nyuu Testiment

²¹ An evribadi we kaal pan di Laad niem gweehn get siev.’

Aks 2:21 ပူးပေါင်းရင်းမြစ်များ

Aks 22:16

So wa yu a wiet fa nou? Git op, kaal pan Gad niem, get baptaiz an mek Gad wash we yu sin.’

Iibruu 4:16

So mek wi go tu di wan we shuo wi lov iivn duo wi no dizorv it, an no bada if-an-bot an galang laik wi fried, so im we gud an kain, wi kain tu wi an shuo wi lov iivn duo wi no dizorv it an elp wi enitaim wi niid di elp.

1 Korintiyan 1:2

Da leta ya a fi aal a Gad piipl we de iina Korint. Gad kaal unu fi bi im piipl an di uol a unu bilang tu im, kaaz a im mek unu an Jiizas ton wan. A no jos unu wi a rait tu — wi a rait tu evribadi we se Jiizas a dem Laad laik wi.

Matyu 28:19

So gwaan, yuuz fi mi powa, tiich mi mesij tu piipl evriwe, so dem kyan ton mi falara tu. An yuuz di powa we di Faada, di Bwai Pikni an di Uoli Spirit gi an baptaiz dem.

Aks 9:15

Bot di Laad se tu Ananaiyas se, “Gwaan! Kaaz mi pik da man ya fi sorv mi. Mi pik im fi go tel piipl bout mi, piipl we a no Juu, di king dem an di Izrel piipl dem tu.

Aks 9:11

Di Laad se tu im se, “Go uova Juudas ous pan chriet chriit an aks fi wan man fram Taasos niem Saal. Im de de a prie

Aks 2:20

Di son a-go ton blak laik nait an di muun a-go ton red laik blod bifuo di big an impuotant die kom fi di Laad du som powaful sitn.