Aks 19:35 - Di Jamiekan Nyuu Testiment

³⁵ Di man we inchaaj fi tel di piipl iina di siti bout notn impuotant we di liida dem mek op dem main fi du ar se, im get di kroud fi sekl dong. Den im se tu dem se, “Efisos piipl, uu out de no nuo se a wi inchaaj fi tek kier a di ous fi di powaful Aatimis an ar stuon we jrap fram evn we wi worship?

Aks 19:35 ပူးပေါင်းရင်းမြစ်များ

1 Timoti 4:2

Dem tiicha ya a ipokrit, dem no nuo rait fram rang kaaz dem naa no kanchens.

Ifiijan 2:12

se wan taim, unu neva nou Krais Jiizas, unu a neva paat a Gad piipl, Izrel, an unu kudn kip kompni wid dem niida. Di diil we Gad mek wid im piipl neehn av notn fi du wid unu. Unu did iina di worl, unu neva did a liv fi notn an unu neva nuo Gad.

Aks 19:26

An unu si an ier fi unuself ou di wan Paal a get piipl fi biliiv se di gad dem we man mek wid dem an a no gad at aal. An dat naa jos apm iina Efisos, it a apm aal uova Iezha.

Aks 18:19

Wen dem riich a Efisos Paal lef Prisila an Akwila an im go iina di Juu dem choch go taak tu dem.

Jan 9:31

Wi nuo se Gad no lisn tu piipl we a sina. Im lisn tu dem we rispek im, an du we im se.

Aks 19:34

Bot wen di kroud lorn se im a wan Juu, aal a dem staat baal out, “Aatimis, gad fi di Efisos piipl dem, yu laaj!” An dem kip dis op fi bout tuu owa.

Aks 19:36

So sins nobadi kyaahn se dem sitn ya no go so, unu fi sekl unuself an tap dis fuulinish we a kaaz so moch chobl.