Aks 19:34 - Di Jamiekan Nyuu Testiment

³⁴ Bot wen di kroud lorn se im a wan Juu, aal a dem staat baal out, “Aatimis, gad fi di Efisos piipl dem, yu laaj!” An dem kip dis op fi bout tuu owa.

Aks 19:34 ပူးပေါင်းရင်းမြစ်များ

Matyu 6:7

Wen unu a prie, no bada chat di siem sitn uova an uova we no miin wan ting. A dat di piipl dem we no nuo Gad du, kaa dem tingk se wen dem yuuz wan bag a wod, a da taim de Gad a-go ansa dem prieya.

Aks 16:20

Wen dem put dem infronta di joj dem, dem se, “Yu si dem man ya, a bier chobl dem a kaaz iina wi toun. Dem a Juu

Aks 19:24

Nou yu did av wan man we niem Dimiichriyos we yuus tu mek tingz outa silva. Im yuus tu mek som likl likl ous we luk jos laik di big wan fi di faalz gad we niem Aatimis. An di woka dem yuus tu mek uol iip a moni aafa dem.

Aks 19:26

An unu si an ier fi unuself ou di wan Paal a get piipl fi biliiv se di gad dem we man mek wid dem an a no gad at aal. An dat naa jos apm iina Efisos, it a apm aal uova Iezha.

Aks 19:28

Wen dem ier wa Dimiichriyos se dem get mad an staat baal out pan tap a dem vais an a se, “Aatimis, gad fi di Efisos piipl dem, yu laaj!”

Aks 19:33

Som a di piipl iina di kroud tingk se Aligzanda a did di prablem, kaaz di Juu dem did push im op front. So im uol op im an fi di kroud kip kwaiyat so im kuda taak fi imself fi mek dem nuo se im an im fren dem neva du notn.

Aks 19:35

Di man we inchaaj fi tel di piipl iina di siti bout notn impuotant we di liida dem mek op dem main fi du ar se, im get di kroud fi sekl dong. Den im se tu dem se, “Efisos piipl, uu out de no nuo se a wi inchaaj fi tek kier a di ous fi di powaful Aatimis an ar stuon we jrap fram evn we wi worship?

Ruoman 2:22

Unu tel piipl se dem no fi sliip wid piipl we dem no marid tu, so wa mek unu a sliip wid piipl we unu no marid tu? Unu taak gens di faalz gad dem, unu se unu iet dem, bot unu a tiif tingz outa di ous wich paat piipl worship dem.

Revilieshan 13:4

an aal a di piipl dem worship di jragan tu, kaaz im did gi di wail animal powa, an dem worship di wail animal a se, “Nobadi no powaful laik di wail animal? An nobadi kyan mek waar gens im?”