Aks 19:31 - Di Jamiekan Nyuu Testiment

³¹ Aal som a Paal fren dem we di bilang tu di gruup a ruula dem we inchaaj a di siti sen wan mesij tu im an beg im no fi go de.

Aks 19:31 ပူးပေါင်းရင်းမြစ်များ

Aks 19:10

Paal kip dis op fi tuu ier, so dat evribadi we liv iina Iezha ier di Laad wod, weda dem a Juu ar Griik.

Aks 21:12

Wen wi ier dis, wi an di ada biliiva dem fram di ieriya beg Paal uova an uova se, “Du! No go op a Jeruusilem.”

Aks 16:6

Di Uoli Spirit wudn lou dem fi priich di gud nyuuz iina Iezha, so dem muuv chuu Frijiya an Gyaliesha.

Maak 1:40

Wan fasi-fasi skin man kom tu Jiizas. Im go dong pan im nii an beg Jiizas fi elp im. Im se, “Ef yu waahn fi kyuor mi an mek mi kliin, yu av di powa fi dwi'it.”

Aks 19:29

Di uol siti did rail op. So dem grab Gaiyos an Ieristaakos, di man fram Masiduoniya we did a chravl wid Paal, an staat jrag dem go a di plies iina di siti we piipl aalwiez gyada op wen sitn speshal a apm.

Aks 19:30

Paal did waahn fi go iina da speshal plies de fi go taak tu di piipl dem, bot di biliiva dem wudn mek im go.

Aks 19:32

Som a di piipl did a shout wan ting an som did a shout sitn els, kaaz dem did iina wan big miks op. Muos a dem neva iivn nuo wa dem did de de fa.