Aks 19:28 - Di Jamiekan Nyuu Testiment

²⁸ Wen dem ier wa Dimiichriyos se dem get mad an staat baal out pan tap a dem vais an a se, “Aatimis, gad fi di Efisos piipl dem, yu laaj!”

Aks 19:28 ပူးပေါင်းရင်းမြစ်များ

Revilieshan 17:13

Aal a dem onggl a tingk fi du wan sitn, dat a fi gi di wail animal fi dem powa an mek im ruul.

Revilieshan 13:4

an aal a di piipl dem worship di jragan tu, kaaz im did gi di wail animal powa, an dem worship di wail animal a se, “Nobadi no powaful laik di wail animal? An nobadi kyan mek waar gens im?”

Revilieshan 12:12

So evribadi iina evn, unu fi api! Bot aal uu liv pan di ort an piipl we de a sii, chobl fu'unu, kaaz di devl gaan dong tu unu! Im beks bad — beks til im tempa a bwail uova, kaaz im nuo se im taim shaat.”

Aks 18:19

Wen dem riich a Efisos Paal lef Prisila an Akwila an im go iina di Juu dem choch go taak tu dem.

Aks 7:54

Wen di Juu liida dem ier dis dem beks wid im so til dem staat grain dem tiit.

Matyu 2:16

Wen Erad si se di waiz man dem did chrik im op, im beks til im nieli bos! Im sen out aada, an kil aaf aal a di bwai pikni dem we did iina Betliyem an di plies dem we did de nier Betliyem, aal a di pikni dem we did a tuu ier uol an anda tuu. Im du dat azkaadn tu di taim wen di waiz man did se dem si di staar.

Aks 19:24

Nou yu did av wan man we niem Dimiichriyos we yuus tu mek tingz outa silva. Im yuus tu mek som likl likl ous we luk jos laik di big wan fi di faalz gad we niem Aatimis. An di woka dem yuus tu mek uol iip a moni aafa dem.