Aks 19:24 - Di Jamiekan Nyuu Testiment

²⁴ Nou yu did av wan man we niem Dimiichriyos we yuus tu mek tingz outa silva. Im yuus tu mek som likl likl ous we luk jos laik di big wan fi di faalz gad we niem Aatimis. An di woka dem yuus tu mek uol iip a moni aafa dem.

Aks 19:24 ပူးပေါင်းရင်းမြစ်များ

Aks 16:16

Wen wi did a go a di plies we piipl prie tu Gad, wan gyal we dem tek ton sliev miit wi. Shi did av wan diiman iina ar we mek shi kuda tel piipl we a-go apm iina di fyuucha. Shi yuus tu mek nof moni fi ar maasta dem we shi wok fa laik wan riida uman.

Aks 16:19

Bot wen ar maasta dem si se dem naa go kyaahn mek no muor moni aafa ar, dem grab Paal an Sailas an jrag dem go a di maakit plies infronta di joj dem.

Aks 19:25

Dimiichriyos gyada op aal a di piipl we du di siem kain-a wok laik im an di piipl we du sitn kluos tu wa im du an se tu dem se, “Piipl, unu nuo se wi mek nof nof moni aafa da wok ya.

Aks 19:38

So ef Dimiichriyos an di man dem we du di siem kain-a wok laik im av no prablem wid enibadi, di kuot uopm regila an joj de de. So mek dem kyari it go de-so.