Aks 19:19 - Di Jamiekan Nyuu Testiment

¹⁹ An uol iip a dem we yuus tu wok aal kain-a uobiya gyada op dem uobiya buk dem an bon dem op infronta evribadi. An wen dem kount op umoch di buk dem wot, dem fain out se dem did wot fifti touzn dala.

Aks 19:19 ပူးပေါင်းရင်းမြစ်များ

Aks 13:8

Bot Elimas di uobiya man (iina di Griik langwij a so dem kaal im) tan op chrang gens Baanabas an Saal, a chrai fi mek di govana ton gens di gud nyuuz.

Aks 13:6

Afta dem chravl kraas di uol konchri til dem riich wie a Pafos, dem miit wan uobiya man, wan Juu we niem Bar-Jiizas we a did wan faalz prafit.

Iibruu 10:34

Kaaz fi riil, unu aal sari fi di piipl dem we dem chuo iina prizn. An wen dem kom tek we unu sitn dem, unu mek dem galang wid dem, an aal a sumail sed wie, kaaz unu nuo se unu uon tingz we moch moch beta dan dem sitn de, an wa unu uon a-go laas fi eva.

Luuk 14:33

So, ef yu no gi op evriting, yu kyaahn ton wan a mi falara dem.

Luuk 15:8

“Ar sopuoz wan uman av ten silva kain an laas wan. Shi naa go lait lamp, swiip out di uol a di ous, an luk evriwe til shi fain it?

Aks 19:18

Uol iip a di wan dem we did biliiv tan op infronta evribadi an tel dem bout di rang sitn dem we dem did a du.