Aks 19:17 - Di Jamiekan Nyuu Testiment

¹⁷ Evribadi we liv iina Efisos ier bout dis, weda dem a Juu ar Griik an wen dem ier bout it, dem kech dem fried, an dem priez di Laad Jiizas.

Aks 19:17 ပူးပေါင်းရင်းမြစ်များ

Luuk 1:65

Di nieba dem kudn biliiv we did a gwaan, an di nyuuz bout wa apm pred aal uova di ili paat a Judiya.

Luuk 7:16

Evribadi fraitn, an dem staat priez Gad. Dem se, “Wan a di prafit dem de ya mongks wi, wan powaful wan! Gad kom fi elp im piipl dem.”

Aks 13:12

Wen di govana si evriting wa apm, im biliiv, an wa Paal an Baanabas did a tiich bout di Laad Jiizas did riili kaaz im fi wanda aad aad.

Aks 18:19

Wen dem riich a Efisos Paal lef Prisila an Akwila an im go iina di Juu dem choch go taak tu dem.

Aks 18:21

So im tel dem ba-bai an se, “Ef Gad waahn mi fi kom bak tu unu agen, mi wi kom bak.” Den im go pan wan ship an lef fram Efisos,

Aks 19:1

Apalos did de a Korint wen Paal did a chravl chuu di ili paat a di konchri an riich a Efisos. Im si som a di piipl dem we biliiv iina Jiizas de,

Aks 19:16

Den di man we di diiman did kanchuol jomp pan dem an biit dem op bad bad. Im biit dem an tier aaf dem kluoz dat dem ron outa di ous niekid an kot op kot op.

Aks 19:18

Uol iip a di wan dem we did biliiv tan op infronta evribadi an tel dem bout di rang sitn dem we dem did a du.

Aks 2:43

Aal a di piipl dem shuo nof rispek fi Gad kaaz im did mek di apasl dem du nof nof mirikl an som powaful sitn mongks dem.

Aks 5:11

Evribadi iina di choch an evribadi we ier bout dem sitn ya kech dem fried.

Aks 5:13

Nobadi we neva paat a dem gruup did mad inof fi go jain dem, iivn duo aal a di piipl iina Jeruusilem taak gud bout dem.

Aks 5:5

Wen Ananaiyas ier dem wod de im jrap dong ded siem taim. An evribadi we ier we apm kech dem fried.

Filipiyan 1:20

So diip dong iina mi aat, mi riili chos se notn we mi du ar we mi se a-go mek mi shiem. Bot laik mi aalwiez du, an a du rait ya nou, mi eva a-go priich an no fried a notn, an mi eva a-go mek Krais Jiizas get nof rispek, weda mi ded ar alaiv.

2 Tesaluoniyan 1:12

Da wie de, di Laad Jiizas Krais wi get priez an unu kyan get big op tu. Dis kyan apm kaaz fi wi Gad an wi Laad Jiizas Krais lov wi iivn duo wi no dizorv it.

2 Tesaluoniyan 3:1

Breda an sista ier wa wi a se bifuo wi don ya-so — wi a beg unu fi prie fi wi. Prie se Gad mesij wi pred faas faas an piipl wi ana it no mata wich paat it go, jos laik wa did apm wen it kom tu unu.