Aks 19:16 - Di Jamiekan Nyuu Testiment

¹⁶ Den di man we di diiman did kanchuol jomp pan dem an biit dem op bad bad. Im biit dem an tier aaf dem kluoz dat dem ron outa di ous niekid an kot op kot op.

Aks 19:16 ပူးပေါင်းရင်းမြစ်များ

Maak 5:15

An wen dem riich we Jiizas de, dem si di man we did av iin diiman. Im did a sidong de, av aan kluoz an iina im rait main. An di piipl dem kech dem fried.

Luuk 8:29

Im se dat kaaz Jiizas did staat fi tel di diiman fi kom outa im. (Uol iip a taim di diiman did tek im uova. So piipl yuus tu chien op im an an fut dem, an gyaad im. Bot im wuda brok outa di chien dem an di diiman wuda kyari im go wich paat nobadi no de.)

Luuk 8:35

So di piipl dem go fi si a wa did apm. Wen dem riich wich paat Jiizas did de, dem si di man we Jiizas ron di diiman dem outa. Im did a sidong a Jiizas fut, im did av aan kluoz an iina im rait main. An di piipl dem kech dem fried.

Aks 19:15

Bot di diiman ansa dem bak an se, “Mi nuo Jiizas, an mi nuo bout Paal. Bot yu, a uu yu bi?”

Aks 19:17

Evribadi we liv iina Efisos ier bout dis, weda dem a Juu ar Griik an wen dem ier bout it, dem kech dem fried, an dem priez di Laad Jiizas.

Aks 3:8

Im jomp rait op an staat waak. Den im go wid dem iina di yaad we Gad ous de, a waak, an a jomp op an dong an a priez Gad.

2 Piita 2:19

Dem pramis se dem a-go frii di piipl dem, bot dem siem wan a sliev — an wikidnis a dem maasta, kaaz di uol a wi a sliev fi eniting we a ruul uova wi.