Aks 19:1 - Di Jamiekan Nyuu Testiment

¹ Apalos did de a Korint wen Paal did a chravl chuu di ili paat a di konchri an riich a Efisos. Im si som a di piipl dem we biliiv iina Jiizas de,

Aks 19:1 ပူးပေါင်းရင်းမြစ်များ

1 Korintiyan 16:12

Nou bout wi breda Apalos, a nof taim mi push im an tel im fi kom si unu, bot im no fiil laik se a nou im fi kom. Bot wen im get di chaans, im wi kom.

1 Korintiyan 1:12

Unu nuo wa mi a taak bout. Som a unu a se, “Mi a fala Paal.” Wan neda gruup a se, “Mi a fala Apalos.” Wan neks gruup a se, “Mi a fala Siifas” an wan neda gruup a se, “Mi a fala Krais.”

Aks 18:1

Afta dat Paal lef Atenz an go a Korint.

Aks 18:8

Krispos uu a di liida fi di Juu dem choch an evribadi iina im ous biliiv iina di Laad. An nof a di Korintiyan piipl dem we ier biliiv tu an get baptaiz.

Aks 19:17

Evribadi we liv iina Efisos ier bout dis, weda dem a Juu ar Griik an wen dem ier bout it, dem kech dem fried, an dem priez di Laad Jiizas.

Aks 19:26

An unu si an ier fi unuself ou di wan Paal a get piipl fi biliiv se di gad dem we man mek wid dem an a no gad at aal. An dat naa jos apm iina Efisos, it a apm aal uova Iezha.

Aks 20:16

Paal neva waahn spen no taim iina Iezha, so im did mek op im main fi siel paas Efisos, kaaz im did a ori fi si ef im kuda riich Jeruusilem bifuo Pentikas.

Aks 20:18

Wen dem riich, im se tu dem se, “Unu nuo ou mi liv di uol taim mi did de ya wid unu, fram di fos die mi riich iina Iezha til nou,

Aks 21:29

Dem se dis kaaz dem did si Chrofimos we kom fram Efisos iina di siti wid Paal bifuo, so dem tek it se Paal did mek im go iina di paat a Gad ous we onggl Juu fi go.

1 Korintiyan 4:6

Breda an sista, unu mait-a tingk se aal a di sitn dem we mi se onggl a taak bout mi an Apalos bot it a taak bout unu tu. Mi did a yuuz mi an Apalos laif fi shuo unu an mek unu andastan se unu no fi du eniting els bot we rait dong iina Gad wod. Kaaz ef unu fala wa rait dong, unu wi no buos bout wan tiicha an iet di ada wan.

1 Korintiyan 15:32

Ef nobadi kyaahn kom bak alaiv, wa gud it du mi ef mi fait wid di piipl dem rait ya-so iina Efisos, we a fait mi laik se dem a wail animal? Ef nobadi kyaahn kom bak alaiv, “Mek wi nyam an jringk, kaaz tumaro wi mait-a ded.”

1 Korintiyan 16:8

Bot mi wi tan a Efisos til di die a Pentikas,

Ifiijan 1:1

Mi a Paal. Gad pik mi fi bi wan a Jiizas Krais apasl, kaaz a dat im did waahn. Mi a rait da leta ya tu aal a Gad piipl we de iina Efisos an we riili chos iina Jiizas.