Aks 18:8 - Di Jamiekan Nyuu Testiment

⁸ Krispos uu a di liida fi di Juu dem choch an evribadi iina im ous biliiv iina di Laad. An nof a di Korintiyan piipl dem we ier biliiv tu an get baptaiz.

Aks 18:8 ပူးပေါင်းရင်းမြစ်များ

Matyu 28:19

So gwaan, yuuz fi mi powa, tiich mi mesij tu piipl evriwe, so dem kyan ton mi falara tu. An yuuz di powa we di Faada, di Bwai Pikni an di Uoli Spirit gi an baptaiz dem.

Maak 5:22

Den wan man niem Jairos we did inchaaj a wan a di Juu dem choch, kom wich paat Jiizas de. Wen im si im, im go dong pan im nii infronta im.

Maak 5:35

Jiizas did stil a taak wen som piipl fram Jairos yaad kom tu Jairos — di ed fi di Juu dem choch. Dem tel im se, “Yu gyal pikni ded! Wa mek yu stil a bada di tiicha?”

Aks 10:2

Im an im uol fambili aalwiez worship Gad. Nof taim im wuda elp puo piipl an im aalwiez a prie tu Gad.

Aks 11:14

Im wi priich wan mesij tu yu. Da mesij de wi tel yu an evribadi iina yu ous ou unu kyan get siev.’

Aks 13:15

Afta sumadi riid fram di Laa buk an fram di Prafit dem, di liida dem fi di Juu dem choch sen wan mesij tu dem se, “Breda, ef unu av wan mesij we kyan elp bil op di piipl dem unu taak op.”

Aks 16:34

Di waadn kyari dem go a im yaad an gi dem som fuud fi iit. An im an im uol fambili did wel api se dem ton tu Gad an biliiv iina im.

Aks 18:1

Afta dat Paal lef Atenz an go a Korint.

Aks 18:17

So dem grab Sostoniiz, di ruula fi di Juu dem choch, an staat biit im infronta di kuot ous. Bot Gyaliyo neva pie dem no main.

Aks 19:1

Apalos did de a Korint wen Paal did a chravl chuu di ili paat a di konchri an riich a Efisos. Im si som a di piipl dem we biliiv iina Jiizas de,

Aks 8:12

Bot wen dem biliiv di gud nyuuz we Filip did a priich bout Gad kindom an Jiizas Krais, evribadi, man an uman go get baptaiz.

1 Korintiyan 1:2

Da leta ya a fi aal a Gad piipl we de iina Korint. Gad kaal unu fi bi im piipl an di uol a unu bilang tu im, kaaz a im mek unu an Jiizas ton wan. A no jos unu wi a rait tu — wi a rait tu evribadi we se Jiizas a dem Laad laik wi.

2 Korintiyan 1:1

Da leta ya a kom fram mi, Paal, wan a Jiizas Krais apasl dem. Mi a wan apasl kaaz a dat Gad did waahn mi fi bi. Wi breda Timoti, im grii wid evriting we iina da leta ya. So, a di tuu a wi a sen it an wi a sen it tu aal a Gad piipl we kip choch iina Korint an tu aal a di piipl dem we iina Akaiya we biliiv iina Gad.

2 Korintiyan 1:23

Nou ef wa mi bout fi tel unu a lai, mek Gad ponish mi: a fi fi unu uona gud mek mi neva kom baka Korint. Mi neva kom bak kaaz mi neva waahn unu fi sofa.

2 Korintiyan 6:11

Unu we iina Korint wi aalwiez chriet wid unu; wi aalwiez tel unu di chuut wi no aid notn fram unu. An wi lov unu wid evriting we de iina wi aat.

2 Timoti 4:20

Irastos did stie iina Korint an mi lef Chrofimos iina Miletos chuu im did sik.