Aks 18:7 - Di Jamiekan Nyuu Testiment

⁷ Den Paal lef di Juu dem choch an go a Taitos Jostos ous. Jostos a did wan man we a no Juu, bot im worship Gad an im ous did de rait saida di Juu dem choch.

Aks 18:7 ပူးပေါင်းရင်းမြစ်များ

Jan 9:31

Wi nuo se Gad no lisn tu piipl we a sina. Im lisn tu dem we rispek im, an du we im se.

Aks 10:2

Im an im uol fambili aalwiez worship Gad. Nof taim im wuda elp puo piipl an im aalwiez a prie tu Gad.

Aks 10:22

Di man dem ansa im se, “A Kaaniiliyos, wan ed man fi onjrid suoja sen wi. Aal a di Juu dem tingk im a gud sumadi an dem shuo im nof rispek. Wan a Gad ienjel tel im fi sen fi yu so im kyan ier wa yu av fi se.”

Aks 13:42

Wen Paal an Baanabas did a lef di Juu dem choch, di piipl dem beg dem fi kom taak tu dem agen bout dem sitn ya di neks Sabat.

Aks 13:43

Afta di Juu dem choch uova, nof a di Juu dem an di piipl dem we did ton Juu fala Paal an Baanabas. Paal an Baanabas did a taak tu dem an a tel dem no fi tap chos Gad fi shuo dem lov iivn duo dem neva dizorv it.

Aks 13:50

Bot di Juu dem rail op di uman dem we rich an we worship Gad, an di big impuotant man dem iina di toun. Dem du som torbl sitn gens Paal an Baanabas an mek dem sofa an ron dem outa dem toun.

Aks 16:14

Yu did av wan uman mongks dem fram Taiyataira niem Lidiya we yuus tu sel som dier porpl klaat. Shi did lov Gad so moch dat shi aalwiez a du di sitn dem we shi nuo Gad waahn ar fi du. Di Laad toch ar aat mek shi andastan an biliiv wa Paal did a se.

Aks 17:4

Som a di Juu dem biliiv wa Paal did a se a chuu, so dem jain Paal an Sailas, som uol iip a Griik piipl we worship Gad an nof uman uufa ozban dem a did tap-a-tap man.

Koloshan 4:11

An Jiizas, we piipl kaal Jostos, im sen oudi tu. Dem chrii man ya a di onggl Juu we a wok wid mi fi get piipl fi staat fala Gad an tek im fi dem king an mek im ruul uova dem. An bwai, dem elp an push mi uol iip.