Aks 18:6 - Di Jamiekan Nyuu Testiment

⁶ Wen dem go gens im an kos im out, im tan op tu dem, shiek di dos aafa im kluoz fi mek dem nuo se Gad no api wid dem an im a-go joj dem. Den im tel dem se, “Fram nou aan, ef Gad joj an ponish unu a fu'unu faalt! Mi no rispans! Fram nou aan mi wi go tu di piipl we a no Juu.”

Aks 18:6 ပူးပေါင်းရင်းမြစ်များ

Matyu 10:14

An ef nobadi no waahn tek unu iin ar lisn wa unu a se, shiek aaf di dos aafa unu fut wen unu a lef da ous de ar wen unu a lef da toun de.

Matyu 21:41

Dem ansa se, “Im a-go kil aaf dem uol wikid de! An tek im faam an rent it tu ada tenant we a-go gi'im wa im fi get wen im griep dem redi.”

Matyu 21:43

“A dat mek mi tel unu se Gad kindom a-go tek we fram unu an gi di piipl dem we a-go bier fruut.

Matyu 22:10

An di sorvant dem go out wich paat di mien ruod dem de an gyada op evribadi we dem fain: gud piipl, bad piipl — evribadi! Wich paat di wedn dina weehn a kip weehn ful op wid wan bag a piipl wen dem don.

Matyu 27:25

Aal a di piipl dem se, “Ye, bliem wi! Mek im blod kom dong pan wi an wi pikni dem!”

Matyu 8:11

Ier mi no, uol iip a piipl fram iis an wes a-go kom sidong iit big dina wid Iebriyam, Aizak an Jiekob op a evn iina Gad kindom.

Luuk 22:65

An dem se aal saat a ada torbl sitn gens im.

Luuk 9:5

Ef piipl no waahn unu iina dem toun, shiek aaf di dos aafa unu fut wen unu a lef. Unu fi du dis mek dem nuo se Gad no api wid dem an im a-go joj dem.”

Aks 13:51

So Paal an Baanabas shiek aaf di dos aafa dem fut fi mek dem nuo se Gad no api wid dem an im a-go joj dem. Den dem go we go a Aikoniyom.

Aks 26:11

Mi ponish dem nof taim iina di Juu dem choch an chrai fi get dem fi ton we fram Jiizas an se dem no biliiv iina im no muor. Mi did so mad wid dem mi go afta dem aal iina farin konchri fi mek dem sofa.

Aks 26:20

So di fos plies mi priich a Damaskos. Afta dat mi priich iina Jeruusilem an aal uova Judiya. Mi priich tu di piipl we a no Juu tu. Mi tel dem fi ton we fram dem sin an ton tu Gad an fi du di sitn dem we shuo se dem riili sari bout dem sin.

Aks 28:28

“So mi waahn unu fi nuo se Gad mesij bout ou im a-go siev piipl a-go go tu di piipl dem we a no Juu. Dem wi lisn!”

Ruoman 3:29

Anles wa unu a se a dat Gad a onggl Gad fi di Juu dem. Gad a no Gad fi di piipl dem we a no Juu tu? Afkuors im a fi dem Gad tu!

1 Timoti 5:22

No kwik fi put yu an pan nobadi an mek dem liida iina di choch. No shier iina dem sin bot kip yuself kliin.

2 Timoti 2:25

Gad sorvant, wen im a karek di wan dem we go gens di chuut, fi tek im taim wid dem. Kaaz Gad mait-a mek dem chienj dem wiez an lorn di chuut.

1 Piita 4:14

Ef piipl shiem unu, an se aal kain-a bad sitn tu unu kaa unu a fala Krais Jiizas — a bles unu bles. Kaaz a di powaful Spirit — Gad Spirit, kom tan wich paat unu de.

1 Piita 4:4

An nou, dem piipl de we a gwaan wid di siem kain-a naasinis an wikidnis, dem no tap chat unu, an a se aal kain-a sitn bout unu, kaaz dem kyaahn andastan wa riili a gwaan. Ou kom unu naa ron galang wid dem, an a du di sed sitn dem laik wan taim?