Aks 18:3 - Di Jamiekan Nyuu Testiment

³ an kaaz im an dem du di siem kain-a wok, im tan wid dem an wok wid dem (fi dem wok a did fi mek tent).

Aks 18:3 ပူးပေါင်းရင်းမြစ်များ

1 Tesaluoniyan 2:9

Breda an sista, wi shuor se unu memba ou aad wi did afi wok. Wi wok die an nait so wi neehn afi presha nobadi ar bordn unu dong wen wi did kom priich tu unu di Gud Nyuuz we kom fram Gad.

1 Korintiyan 4:12

Wi tek wi uona an dem an wok aad aad. Wen piipl kos wi an se aal kain-a sopm bout wi, aal wi du a bles dem. Wen piipl mek wi a sofa, wi no gi op wi jos gwaan uol chrang.

2 Korintiyan 11:9

Wen mi did de mongks unu an wel niid som tingz mi neva aks unu fi notn, kaaz wi breda an sista dem we did kom fram Masiduoniya did bring evriting we mi niid. Mi neva presha non a unu fi notn an mi naa go presha non a unu fi notn niida.

2 Korintiyan 12:13

A wa mi du fi di ada choch dem we mi neva du fi unu? Di onggl ting we dem du we unu neva du, a tek kier a mi. Mi neva presha unu fi gi mi notn wen mi did de mongks unu. A mos so mi rang unu, wen mi neva presha unu. Wel du paadn mi fi dat.

2 Korintiyan 11:7

Wen mi priich Gad Gud Nyuuz bout Jiizas tu unu, mi did du it fi frii, mi neva chaaj unu notn. Mi put miself dong luo so dat mi kuda lif unu op. A sin mi did a sin wen mi du dem sopm de?

1 Korintiyan 9:14

A siem so di Laad se dat di wan dem we go roun an tiich di Gud Nyuuz fi get wa dem niid fi liv fram di piipl dem we dem a tiich.

1 Korintiyan 9:15

Bot iivn duo mi av di rait fi aks unu fi sopuot mi, mi neva du it. An mi naa rait unu nou so dat unu wi staat du it niida. Mi wuda raada ded dan mek unu sopuot mi. Kaaz mi no waahn notn fi tap mi fram buos bout ou mi priich di Gud Nyuuz tu unu an neva get no elp fram unu.

1 Korintiyan 9:18

So den a wa mi a-go get pie? Fi mi pie a dat mi kyan priich di Gud Nyuuz bout Jiizas an no chaaj nobadi. Da wie de mi kyan priich an no aks unu fi sopuot mi iivn duo mi av di rait fi aks unu.

1 Tesaluoniyan 4:11

Unu fi chrai aad fi liv wan kwaiyat laif an no go roun wid no loud naiz a aagyu-aagyu. Unu fi main unu uona bizniz an no megl-megl. An unu fi wok wid unu an, jos laka ou wi tel unu fi du.