Aks 18:28 - Di Jamiekan Nyuu Testiment

²⁸ Im aagyu aad aad wid di Juu dem infronta evribadi, an shuo dem klier klier fram Gad wod se Jiizas a di wan we Gad sen fi siev piipl.

Aks 18:28 ပူးပေါင်းရင်းမြစ်များ

Luuk 1:80

Di pikni gruo op an get chrang iina spirit, an im did liv iina di dezot til di die im shuo imself tu Izrel.

Luuk 24:27

Jiizas eksplien tu dem aal a di sitn dem we did rait dong bout im, fram wa Muoziz did se tu aal a wa di ada prafit dem did se.

Luuk 24:44

Jiizas tel dem se, “Wen mi did de mongks unu, mi tel unu bout aal a dem sitn ya. Mi tel unu se evriting we rait bout mi iina Muoziz Laa, wa di prafit dem se an we iina di Saamz tu did afi kom chuu.”

Jan 5:39

Unu stodi an stodi Gad wod aad, kaa unu tingk se a dat a-go mek unu nuo ou unu kyan liv fi eva. Bot di sed wod we unu a stodi, taak bout mi,

Aks 17:3

Im shuo dem an elp dem fi andastan wa it miin wen Gad wod se Krais Jiizas did afi sofa an kom bak alaiv. Im se, “Da siem Jiizas ya we mi a tel unu bout, a im a di wan we Gad sen kom fi siev piipl.”

Aks 18:25

Im did lorn bout di Laad Jiizas, an taak op chrang an tiich di sitn dem we rait bout Jiizas. Bot im onggl di nuo bout ou Jan baptaiz piipl, im neva nuo bout ou Jiizas se piipl fi get baptaiz.

Aks 18:5

Nou wen Sailas an Timoti kom fram Masiduoniya, Paal tap mek tent an yuuz aal a im taim fi priich di mesij an tel di Juu dem se Jiizas a di wan we Gad sen fi siev piipl.

Aks 8:35

So Filip staat a di siem paat we im did a riid an priich tu im di Gud Nyuuz bout Jiizas.

Aks 9:22

Bot Gad gi Saal muor an muor powa fi priich. Im did a pruuv fram Gad wod se Jiizas a di wan we Gad sen fi siev piipl. An di Juu dem we liv iina Damaskos did kanfyuuz kaaz dem kudn fain notn rang wid wa im did a tiich.