Aks 18:2 - Di Jamiekan Nyuu Testiment

² Iina Korint Paal miit wan Juu niem Akwila we did baan iina Pontos. Im an im waif Prisila did no tuu lang muuv fram Itali kaaz Klaadiyos did gi aada se aal a di Juu dem fi lef Ruom. Paal jain op wid dem,

Aks 18:2 ပူးပေါင်းရင်းမြစ်များ

Aks 11:28

Wan a dem we niem Agabos tan op fi priich. Di Uoli Spirit tek kanchuol a im an mek im taak bout ou wan torbl staavieshan a-go tek di uol worl. (Wa Agabos se apm wen taim Klaadiyos did a ruul uova Ruom.)

Aks 18:18

Afta Paal tan wid dem iina Korint fi wan lang taim, im tel di breda an sista dem ba-bai. Den im an Prisila an Akwila tek wan ship wa did a siel go a Siriya. Wen dem riich a Senkriya Paal get im ier kot aaf fi kip wan pramis we im did mek tu Gad.

Aks 18:26

An im neva fried, so im staat fi taak chrang chrang iina di Juu dem choch, bot wen Prisila an Akwila ier im, dem tek im wan said an tiich im so im kuda andastan Gad wod beta.

Aks 2:9

Evribadi ier dem uona Langwij, piipl we kom fram Paatiya, Miid, Iilom, piipl we kom fram Mesopotiemiya, Judiya, Kyapaduoshiya, Pontos, an Iezha,

Aks 27:1

Afta dem mek op dem main se wi shuda siel go Itali, dem ton Paal an som ada prizna uova tu Juuliyos wan ed fi onjrid suoja. Im a did paat a di ruula big big gruup a suoja.

Aks 27:6

Wen wi tap a Maira di ed fi onjrid suoja si wan ship fram Aligzanjriya we did a go a Itali, so im put wi pan it.

1 Korintiyan 16:19

Di choch dem we iina Iezha sen oudi fi unu. Akwila, Priska an di uol a di piipl dem we gyada a dem yaad fi kip choch a sen oudi fi unu iina di Laad niem.

2 Timoti 4:19

Tel Prisila an Akwila an evribadi we liv iina Onisiforos yaad oudi fi mi.

Iibruu 13:24

Sen oudi tu aal a unu liida dem an aal a Gad piipl dem. Di wan dem fram Itali sen oudi tu.

1 Piita 1:1

Mi a Piita, wan a Jiizas Krais apasl dem — wan a di twelv man dem we did a waak wid im. Mi a rait tu unu, Gad piipl we skyata-skyata aal bout an a liv iina Pontos, Gyaliesha, Kyapaduoshiya, Iezha an Bitiniya.