Aks 18:15 - Di Jamiekan Nyuu Testiment

¹⁵ Bot sins unu a aagyu bout wod, an niem an fi unu Laa, unu diil wid dat unuself. Mi naa go joj dem sitn de.”

Aks 18:15 ပူးပေါင်းရင်းမြစ်များ

Matyu 27:24

Wen Pailat si se im neva did a go no we wid dis ya, bot did onggl a rail op di kroud muo, im tek waata wash im an infronta dem an se, “A no mi mek da man ya ded. Fi'im blod de pan fu'unu ed!”

Matyu 27:4

Ier im no, “Mi sin, mi sin, kaa mi sel out sumadi we neehn du notn rang!” Bot dem se tu im se, “Wa dat av fi du wid wi? A fi yu prablem dat, gwaan go diil wid dat yuself!”

Jan 18:31

Den Pailat se tu dem se, “Tek im an diil wid im bies pan fu'unu uona laa.” Bot di Juu liida dem se, “Di laa no lou wi fi kil nobadi.”

Aks 18:13

dem se, “Da man ya a chrai fi get piipl fi worship Gad iina wan wie we go gens di Laa!”

Aks 23:29

Mi fain se som a di Juu dem did a aagyu wid im bout som sitn fi du wid dem Laa, bot im neehn du notn fi wi kil im ar lak im op fa.

Aks 25:11

Ef mi rang an du notn we dem shuda kil mi fa, mi naa chrai fi ron we. Bot ef mi neva du non a di sitn dem we dem se, nobadi kyaahn ton mi uova tu dem. So sen mi go a Siiza, mek im joj mi.”

Aks 25:19

Insted-a dat, dem did a aagyu wid im bout sopm fi du wid di wie ou dem worship Gad an bout wan ded man niem Jiizas we Paal se kom bak alaiv.

Aks 26:3

kaaz mi nuo se yu wel nuo bout ou di Juu dem liv an bout aal di sitn dem we dem aagyu bout. So mi a beg yu du, tek taim an lisn mi.

1 Timoti 1:4

Dem no fi wies dem taim niida pan mek op tuori we no mek no sens at aal, an dem no fi bada wid uu a uufa jinarieshan. Dem de sitn de onggl kaaz piipl fi kwaril-kwaril wid dem wan aneda insted-a chos iina Gad plan fi siev piipl.

1 Timoti 6:4

im ful-a imself an no nuo ar andastan notn. Im lov fi kwaril an fait wid ada piipl uova wa som wod miin. Im kaaz piipl fi waar an kos wid dem wan aneda an fi red yai fi dem wan aneda sitn dem.

2 Timoti 2:23

No av notn fi du wid no fuul-fuul ar chupid aagiment an no bada kos-kos wid nobadi uova Gad wod, kaaz yu nuo se dem sitn de onggl kaaz piipl fi fait.

Taitos 3:9

No fait wid nobadi uova no fuul-fuul taak ar mek op tuori. An no bada kos-kos wid nobadi uova uu a uufa jinarieshan ar bout di laa. Stie faar fram dem sitn de kaaz dem no wot notn an dem kyaahn elp nobadi.