Aks 18:14 - Di Jamiekan Nyuu Testiment

¹⁴ Bot jos az Paal did bout fi se sopm, Gyaliyo se tu di Juu dem se, “Ef a did sopm bad ar sopm wikid im did du, it wuda rait fi mi lisn tu unu.

Aks 18:14 ပူးပေါင်းရင်းမြစ်များ

Iibruu 5:2

Kaaz di liida fi di priis dem a piipl tu, im wi nuo ou fi tek taim wid piipl we no nuo beta an a du rang, sins im wiik an wi du rang tu.

2 Korintiyan 11:4

Kaaz wi tel unu bout Jiizas an unu tek di Uoli Spirit we Gad gi unu an unu biliiv di mesij we wi priich. Bot mek sumadi nyuu kom an tel unu bout wan difrant Jiizas an unu redi fi lisn an tek di spirit we dem a gi an biliiv di mesij we dem a priich.

2 Korintiyan 11:1

Mi uop se unu wi tek taim wid mi iivn ef unu tingk se wa mi bout fi se a fuulinish. Mi se fi tek taim wid mi!

Ruoman 13:3

Di piipl we du wa rait, dem no afi fried a di piipl we a ruul uova dem. A jos di piipl dem we a du we rang fi fried. So, ef unu no waahn fi fried a di piipl we a ruul uova unu, jos du wa rait an wen unu du dat dem wi big unu op.

Aks 25:26

Bot mi no riili av notn we mi kyan rait bout im an sen gi mi Laad. So mi kyari im kom ya infronta aal a unu, an muo dan dat mi kyari im infronta yu, King Agripa, so dat afta yu ier im da fos taim ya, mi mait-a av sopm fi rait.

Aks 25:11

Ef mi rang an du notn we dem shuda kil mi fa, mi naa chrai fi ron we. Bot ef mi neva du non a di sitn dem we dem se, nobadi kyaahn ton mi uova tu dem. So sen mi go a Siiza, mek im joj mi.”

Aks 21:39

Paal ansa im se, “Mi a wan Juu. Mi baan an gruo iina Taasos wan big impuotant siti iina Silisiya. Mi a beg yu, gi mi a chaans fi taak tu di piipl dem.”

Aks 13:18

Fi bout faati ier, out iina di bush we nobadi neva liv, im tek kier a dem an put op wid dem bad brok wie.

Maak 9:19

Jiizas se tu dem se, “Unu piipl iina da taim ya! Unu no biliiv! Umoch langga mi afi tan ya wid unu? Umoch langga mi afi put op wid unu? Kyari di bwai kom tu mi.”

Matyu 5:2

Im uopm op im mout an staat fi tiich dem. A dis im se:

Aks 13:10

an se tu im se, “Yu komiin laik Sietan pikni! Yu aalwiez a go gens evriting we rait! Yu ful op a lai an yu a wan uol jinal. Yu naa tap chrai fi mek di Laad chuut komiin laik se it a lai?