Aks 18:12 - Di Jamiekan Nyuu Testiment

¹² Nou afta Gyaliyo did ton govana fi Akaiya di Juu dem gyada op an grab Paal an jrag im infronta di joj,

Aks 18:12 ပူးပေါင်းရင်းမြစ်များ

Matyu 27:19

Wen Pailat de de a sidong iina im speshal siit az joj fi di kies, im waif sen im da mesij ya: “No av notn fi du wid da man de kaa im no du notn rang. Mi av wan bad bad jriim bout im tide. Laaks! It mek mi sofa.”

Jan 19:13

Wen Pailat ier dem se dat de, im tek Jiizas go outa duor an den im go sidong iina di joj siit we de a di plies we dem kaal “Stuon Fluor.” (Iina di Iibruu langwij it niem Gabata).

Aks 13:12

Wen di govana si evriting wa apm, im biliiv, an wa Paal an Baanabas did a tiich bout di Laad Jiizas did riili kaaz im fi wanda aad aad.

Aks 13:50

Bot di Juu dem rail op di uman dem we rich an we worship Gad, an di big impuotant man dem iina di toun. Dem du som torbl sitn gens Paal an Baanabas an mek dem sofa an ron dem outa dem toun.

Aks 13:7

Bar-Jiizas an di govana fi di konchri, Sorjiyos Paalos, a did fren. Di govana a did wan man we brait an av nof sens. Im sen kaal Baanabas an Saal, kaaz im did waahn fi ier Gad wod.

Aks 13:8

Bot Elimas di uobiya man (iina di Griik langwij a so dem kaal im) tan op chrang gens Baanabas an Saal, a chrai fi mek di govana ton gens di gud nyuuz.

Aks 14:19

Den som Juu kom fram Antiyak an Aikoniyom an win uova di kroud. Dem get dem fi stuon Paal an wen dem tingk se im ded, dem jrag im badi go fling it outa di siti.

Aks 14:2

Bot som a di Juu dem we mek op dem main se dem naa biliiv di gud nyuuz bout Jiizas, rail op di piipl dem we a no Juu, an paizn dem main gens di breda dem.

Aks 17:13

Bot wen di Juu dem fram Tesalonaika ier se Paal did a priich Gad wod iina Beriya, dem kom de-so tu fi kom rail op di kroud.

Aks 17:5

Bot di Juu dem get beks se so moch piipl did jain op wid Paal an Sailas. So dem gyada op som woklis aigla fram di maakit, faam wan pasi, an staat fi kik op rompos, galang bad an ton di siti opsaid dong. Di Juu liida dem go stuon Jiesn yaad, a luk fi Paal an Sailas fi jrag dem infronta di ruula dem.

Aks 18:11

So im tan de fi wan ier an siks mont an tiich dem bout Gad mesij.

Aks 18:27

Wen Apalos did waahn kraas uova go a Akaiya, di breda an sista dem push im fi gwaan. Dem rait wan leta tu di breda an sista dem uova de an tel dem fi tek im iin an chriit im gud. Di wan dem we did biliiv kaaz Gad did so gud tu dem, wen Apalos riich im du uol iip fi elp dem.

Aks 19:21

Afta aal a dem sitn ya apm, Paal mek op im main fi go op a Jeruusilem, so im chravl chuu Masiduoniya an Akaiya. An im se, “Afta mi spen som taim op de, mi afi go a Ruom fi a likl wail.”

Aks 25:10

Paal ansa im se, “Mi tan op iina Siiza kuot rait ya nou an a ya-so mi fi get joj. Mi no du notn rang tu di Juu dem, an yu wel an nuo dat.

Ruoman 15:26

Kaaz di choch dem iina Masiduoniya an Akaiya did muor dan api fi gi moni tu Gad piipl iina Jeruusilem we puor.

Ruoman 16:5

Di uol a di piipl dem we gyada fi choch a Priska an Akwila ous, tel dem oudi fi mi tu. Mi gud gud fren Epiniitos tel im oudi fi mi. Im a did di fos wan iina Iezha fi biliiv iina Jiizas Krais.

1 Korintiyan 16:15

Nou breda an sista, unu nuo bout Stefanos an im fambili. Dem a did di fos set a piipl iina Akaiya fi biliiv iina Gad an get siev. An dem du aal we dem kyan du fi elp Gad piipl dem. So mi a beg unu

2 Korintiyan 1:1

Da leta ya a kom fram mi, Paal, wan a Jiizas Krais apasl dem. Mi a wan apasl kaaz a dat Gad did waahn mi fi bi. Wi breda Timoti, im grii wid evriting we iina da leta ya. So, a di tuu a wi a sen it an wi a sen it tu aal a Gad piipl we kip choch iina Korint an tu aal a di piipl dem we iina Akaiya we biliiv iina Gad.

2 Korintiyan 11:10

An nobadi iina Akaiya kyan tap mi fram buos bout dat. Siem laik ou unu nuo fi shuor se wa mi tiich bout Gad a chuu, a siem so unu kyan shuor bout dat.

2 Korintiyan 11:26

Nof taim wen mi a chravl, mi aalmuos ded. Riva nieli tek mi laif. Tiif chrai kil mi. Mi uona piipl di Juu dem an aal piipl we a no Juu chrai fi kil mi tu. Mi no sief iina di siti. Mi no sief iina di dezot. Mi de a sii, mi aalmuos ded. Mi aal av piipl we gwaan laik dem a mi breda, bot a kil dem waahn fi kil mi.

2 Korintiyan 9:2

Mi no afi rait unu kaaz mi nuo se unu wel waahn fi elp. Mi aal buos bout unu tu Gad piipl we de iina Masiduoniya. Mi tel dem ou fram laas ier di uol a unu iina Akaiya redi fi elp an kaaz unu redi fi elp, it mek dem wel waahn fi elp tu.

1 Tesaluoniyan 2:14

Breda an sista, unu komiin jos laik Gad choch dem iina Krais Jiizas, we de a Judiya. Kaaz a fi unu uona piipl dem, we de wich paat unu de, a mek unu sofa di siem wie ou di Judiyan piipl dem mek dem we de a Judiya sofa.

1 Tesaluoniyan 2:16

An aal wen wi fi taak tu di piipl dem we a no Juu so dem kyan get siev, di Judiyan piipl dem did chrai fi no mek wi taak tu dem. Bot dem eva a sin a galang so til dem bok, so Gad kech op wid dem nou an a joj dem aad aad.

Jiemz 2:6

Bot unu shiem puo piipl. Tel mi sopm, no di siem rich piipl dem a presha unu an a jrag unu go a kuot ous?