Aks 17:7 - Di Jamiekan Nyuu Testiment

⁷ an Jiesn tek dem iin an a kip dem iina im ous! Aal a dem a go gens Siiza laa, a chat bout ou wan neks king de bout niem Jiizas!”

Aks 17:7 ပူးပေါင်းရင်းမြစ်များ

Luuk 10:38

Wen Jiizas an im speshal falara dem did a chravl go a Jeruusilem, dem waak chuu wan dischrik we wan uman niem Maata did liv. Wen Maata si dem, shi tek dem iina ar ous.

Luuk 23:2

Dem staat tel bier lai pan Jiizas se, “Wi kech da man ya a chrai fi mek di piipl dem go gens di govament. Im waahn wi fi tap pie taks tu Siiza di Ruoman ruula an kliem se im a Krais — bout im a King.”

Jan 19:12

Fram da taim de, Pailat chrai an chrai fi let im go. Bot di Juu liida dem did kip aan a shout an se, “Ef yu mek da man ya get we, yu an Siiza a no fren! Enibadi we se dem a king a fait gens Siiza.”

Aks 16:21

an dem a tiich an a tel wi fi du som sitn we fi wi laa no lou wi fi du kaaz wi a Ruoman piipl.”

Aks 17:5

Bot di Juu dem get beks se so moch piipl did jain op wid Paal an Sailas. So dem gyada op som woklis aigla fram di maakit, faam wan pasi, an staat fi kik op rompos, galang bad an ton di siti opsaid dong. Di Juu liida dem go stuon Jiesn yaad, a luk fi Paal an Sailas fi jrag dem infronta di ruula dem.

Aks 17:8

An di kroud a piipl an di siti ruula dem did get kanfyuuz wen dem ier wa di Juu liida an dem pasi did a se.

Jiemz 2:25

A di siem wie Rieyab we did sliip wid piipl fi moni, did du we rait iina Gad yai wen shi tek iin di Izrel spai dem an sen dem we wan neda wie.

1 Piita 2:15

Wa Gad waahn a fi unu du wa rait, an da wie de aal a uu no nuo beta an a chat fuulinish wi tap dem naiz.