Aks 17:3 - Di Jamiekan Nyuu Testiment

³ Im shuo dem an elp dem fi andastan wa it miin wen Gad wod se Krais Jiizas did afi sofa an kom bak alaiv. Im se, “Da siem Jiizas ya we mi a tel unu bout, a im a di wan we Gad sen kom fi siev piipl.”

Aks 17:3 ပူးပေါင်းရင်းမြစ်များ

Luuk 24:32

Dem aks dem wan aneda, “Wi neehn fiil sitn a bobl iina wi aat wen im did a chat wid wi pan di ruod an a eksplien tu wi wa Gad wod se?”

Luuk 24:44

Jiizas tel dem se, “Wen mi did de mongks unu, mi tel unu bout aal a dem sitn ya. Mi tel unu se evriting we rait bout mi iina Muoziz Laa, wa di prafit dem se an we iina di Saamz tu did afi kom chuu.”

Luuk 24:46

Jiizas tel dem se, “Dis a wa rait dong: Krais a-go sofa, im a-go ded an kom bak afta chrii die,

Jan 20:9

(Yu si, aal nou dem neehn get we Gad wod se bout ou Jiizas did afi kom bak alaiv.)

Aks 1:4

Wan a di taim wen im did a iit wid dem im tel dem se, “Tan a Jeruusilem an wiet fi wa mi Faada pramis fi gi unu, di siem sitn we mi did tel unu bout.

Aks 18:28

Im aagyu aad aad wid di Juu dem infronta evribadi, an shuo dem klier klier fram Gad wod se Jiizas a di wan we Gad sen fi siev piipl.

Aks 18:5

Nou wen Sailas an Timoti kom fram Masiduoniya, Paal tap mek tent an yuuz aal a im taim fi priich di mesij an tel di Juu dem se Jiizas a di wan we Gad sen fi siev piipl.

Aks 3:18

Bot lang bifuo it apm, Gad tel im prafit dem se di wan we im wuda sen fi siev piipl wuda sofa, an a siem so im mek it apm.

Aks 9:22

Bot Gad gi Saal muor an muor powa fi priich. Im did a pruuv fram Gad wod se Jiizas a di wan we Gad sen fi siev piipl. An di Juu dem we liv iina Damaskos did kanfyuuz kaaz dem kudn fain notn rang wid wa im did a tiich.

Gyalieshan 3:1

Unu fuul-fuul Gyalieshan unu! A uu guzum unu? Mi tel unu klier klier tu unu fies ou Jiizas did ded pan di kraas.