Aks 17:25 - Di Jamiekan Nyuu Testiment

²⁵ An im no niid nobadi fi du notn fi'im, laik se im niid notn fram dem, kaaz a im gi evribadi laif an aal di sitn dem we dem niid.

Aks 17:25 ပူးပေါင်းရင်းမြစ်များ

Matyu 5:45

Wen unu du dat, unu wi komiin jos laik unu Faada we de a evn. Yu si ou im mek di son raiz op an shain pan wikid piipl an gud piipl? An a siem so im mek rien faal pan piipl we du wa rait iina im yai an di wan dem we no lisn wa im se.

Matyu 9:13

Gwaan go fain out a wa dis miin: ‘Mi waahn piipl fi gud an kain tu piipl, no fi dem kom kom bon sakrifais gi mi.’ Kaaz mi neehn kom ya fi tel piipl we du rait fi ton fram dem rang, a piipl we du rang mi kom ya fa.”

Aks 14:17

Bot Gad aalwiez mek piipl nuo ou im gud tu dem. Im du dis wen im mek im rien faal fram evn an mek dem fiil bier a ier taim, so unu av nof fuud fi iit an im mek unu aat api.”

Aks 17:28

Kaaz a im mek wi, gi wi laif, an mek wi kyan muuv bout. An iivn wan a fu'unu uona piipl we rait paim se di siem ting, im se, ‘Aal a wi a Gad pikni tu.’

Ruoman 11:35

Uu gi Gad notn we mek im afi pie dem bak?”

1 Timoti 6:17

Waan di rich piipl dem se dem no fi gwaan laik dem beta dan enibadi els jos chuu dem av moni. Dem no fi put dem chos iina moni niida kaaz moni kom an moni go. Wa dem fi du a put dem chos iina Gad kaaz im wi gi wi aal we wi niid fi liv api.