Aks 17:24 - Di Jamiekan Nyuu Testiment

²⁴ “Di Gad we mek di worl, aal a di piipl dem, di animal dem, an di chrii dem we iina it, a im ruul uova evn an ort. Im no liv iina ous we man mek fi Gad wid dem uona an.

Aks 17:24 ပူးပေါင်းရင်းမြစ်များ

Matyu 11:25

Da taim de, Jiizas se, “Faada, a yu ron evriting iina evn an pan ort, mi priez yu. Mi priez yu kaa yu aid dem sitn ya fram piipl we tingk se dem brait an av nof sens, bot yu shuo lili pikni dem.

Matyu 5:34

Bot a dis mi a tel unu se, unu no fi swier at aal at aal. No bada swier an kaal pan evn fi shuo se wa unu a se a chuu, kaaz a evn Gad tan an ruul fram.

Luuk 10:21

Dat de taim, di Uoli Spirit kaaz Jiizas fi get api an im se, “Faada, yu ron evriting iina evn an pan ort, mi priez yu. Mi priez yu kaaz yu a shuo dem sitn ya tu likl pikni bot yu aid dem fram piipl we tingk se dem brait an av nof sens. Yes Faada, a dat yu did waahn fi apm.

Jan 1:1

Wen taim did staat, di Wod did de bout, an di Wod did de de wid Gad. Matarafak, di Wod a did Gad.

Aks 14:15

“Oi! Oi! Wa unu a du dem sitn de fa? No dwi'it! Wi a jos man siem laik unu! Wi onggl kom fi tel unu di Gud Nyuuz. Wi a tel unu fi ton we fram dem woklis sitn ya, an ton tu Gad, di Gad we liv fi eva an we mek evn an ort an di sii an evriting iina dem.

Aks 4:24

Wen dem ier di nyuuz, aal a dem jain tugeda an staat prie tu Gad. Dem se, “Maasa Gad, a yu mek di evn an di ort an di sii an evriting we iina dem.

Aks 7:48

Bot wi nuo se di Muos Ai Gad no liv iina ous we man mek. Wan a im prafit se:

Ruoman 1:19

Gad a-go ponish dem kaaz evriting we de de fi nuo bout Gad infronta dem plien plien, kaaz a Gad imself shuo dem.

Iibruu 1:2

Bot iina dem laas die ya, im yuuz im Bwai Pikni fi taak tu wi. Im pik im, an kom gi im evriting. Gad pik im tu, so Gad kuda mek di worl.

Iibruu 3:4

Kaaz evri ous we de bout, a sumadi bil it, bot a Gad bil evriting.

Revilieshan 20:11

Den mi luk an si wan big, big, wait chuon an sumadi sidong pan it. Di ort an di skai did disapier fram infronta im an nobadi neva si dem agen.