Aks 17:20 - Di Jamiekan Nyuu Testiment

²⁰ Kaaz di sitn dem we wi ier yu a tiich, wi neva ier dem bifuo, so wi waahn fi nuo wa dem miin.”

Aks 17:20 ပူးပေါင်းရင်းမြစ်များ

Maak 9:10

So dem kip it tu demself an taak bout it mongks dem wan aneda an a wanda wa im miin wen im se, “Wen im ded an kom bak alaiv?”

Jan 6:60

Afta nof a Jiizas falara dem ier aal a we im did av fi se, dem se, “It no iizi fi tek iin wa im a tiich se. A wan aad sitn im a tiich. Uu kyan andastan wa im a se?”

Aks 10:17

Siem taim Piita de de a chrai fi figa out wa di vijan miin, di man dem we Kaaniiliyos did sen, fain Saiman ous an did tan op a di giet.

Aks 17:19

So dem aks Paal fi kom wid dem go miit di Ieriyapagos liida dem. Dem se tu im se, “Wi wuda laik fi nuo bout di nyuu sitn dem we yu a tiich, so yu kyan tel wi bout it?

Aks 17:21

Aal a di Atenz piipl an di farina dem we liv de spen dem taim a du notn muor dan a tel dem wan aneda bout eniting nyuu we dem ier an a lisn tu eniting nyuu we enibadi av fi tel dem.

Aks 2:12

Kaaz dem did so shak an kaaz wa dem di ier did kanfyuuz dem, dem aks dem wan aneda, “A wa aal a dis miin?”

1 Korintiyan 1:18

Kaaz di mesij bout ou Jiizas ded pan di kraas fi wi, komiin laik fuulinish tu di wan dem we no biliiv an we a-go go a el. Bot tu wi, di wan dem we siev, it shuo ou Gad powaful.

1 Korintiyan 1:23

Bot yu si wi, wi priich bout ou Krais Jiizas ded pan di kraas fi siev wi. Di Juu dem beks enitaim dem ier da mesij ya an di piipl dem we a no Juu tingk se a fuulinish wi a taak.

1 Korintiyan 2:14

Di piipl we no av Gad Spirit, naa go biliiv notn we di Spirit se kaaz it a-go komiin laik fuulinish tu dem. Dem naa go kyan andastan it, kaaz a onggl wen yu av di Spirit yu kyan andastan dem sitn de.

Iibruu 5:11

A uol iip wi av fi se bout dem sitn ya we wi a taak bout. Bot it aad fi brok it dong tu unu kaaz unu jos naa andastan.

1 Piita 4:4

An nou, dem piipl de we a gwaan wid di siem kain-a naasinis an wikidnis, dem no tap chat unu, an a se aal kain-a sitn bout unu, kaaz dem kyaahn andastan wa riili a gwaan. Ou kom unu naa ron galang wid dem, an a du di sed sitn dem laik wan taim?