Aks 17:1 - Di Jamiekan Nyuu Testiment

¹ Afta dem paas chuu Amfipolis an Apoluoniya dem riich a Tesalonaika, we di Juu dem did av wan choch.

Aks 17:1 ပူးပေါင်းရင်းမြစ်များ

Aks 14:1

Di siem ting we did apm tu Paal an Baanabas iina Antiyak apm iina Aikoniyom. Di tuu a dem go iina di Juu dem choch an taak tu piipl we a Juu an piipl we a no Juu. Wa dem se did so powaful dat nof nof piipl we a Juu an piipl we a no Juu biliiv iina Jiizas.

Aks 15:21

Kaaz fi wan lang lang taim, evri Sabat dem riid Muoziz Laa iina di Juu dem choch an dem priich evriting we rait dong iina da Laa de iina evri toun.”

Aks 16:13

Pan di Sabat die wi go chuu di siti giet go a di rivasaid. Wi go de kaaz wi did uop fi fain wan plies we piipl gyada op fi prie tu Gad. So wi sidong an staat fi taak tu di uman dem we did gyada op de.

Aks 17:10

Wen nait kom di breda an sista dem sen we Paal an Sailas siem taim go a Beriya. Wen dem riich de, dem go a di Juu dem choch.

Aks 17:11

Di Juu dem we de a Tesalonaika did lak op dem main gens Gad mesij. Bot di wan dem we de a Beriya, dem lisn gud kaaz dem did wel waahn ier di mesij. So evridie dem luk aad aad iina Gad wod fi si ef wa Paal did a se mach op wid wa rait dong iina Gad wod.

Aks 17:13

Bot wen di Juu dem fram Tesalonaika ier se Paal did a priich Gad wod iina Beriya, dem kom de-so tu fi kom rail op di kroud.

Aks 20:4

An Sowpata, Piros bwai pikni fram Beriya, Ieristaakos, Sikondos fram Tesalonaika, Gaiyos fram Dorbi, an Timoti, Taikikos an Chrofimos fram Iezha go wid Paal.

Aks 27:2

Wi go pan wan ship we did a kom fram Ajramitiyom. Di ship did plan fi tap a som difrant difrant plies pan di Iezha sii kuos. So wi siel out an Ieristaakos fram Masiduoniya we iina Tesalonaika go wid wi.

Filipiyan 4:16

Iivn wen mi did de a Tesalonaika, unu sen mi moni uova an uova wen mi did brok.

1 Tesaluoniyan 1:1

Dis a Paal. A mi, Silvanos an Timoti a rait da leta ya. Wi a rait unu — aal a di piipl dem we de a Tesalonaika we biliiv iina Jiizas Krais, aal a uu a Gad an Krais Jiizas piipl dem: Mi prie se Gad wi aalwiez shuo unu im lov iivn duo wi no dizorv it an mek unu av piis iina unu aat.

1 Tesaluoniyan 2:2

Unu nuo ou wen wi did de a Filipai di piipl dem we inchaaj did mek wi sofa. Dem shiem wi bad bot Gad gi wi di chrent fi kom tu unu siem wie an kom tel unu di Gud Nyuuz, iivn duo uol iip a piipl did a chrai fi tap wi,

2 Tesaluoniyan 1:1

Dis a Paal. A mi, Silvanos an Timoti a rait da leta ya. Wi a rait di uol a unu we de a Tesalonaika we biliiv iina Jiizas Krais, an we bilang tu Gad an Krais Jiizas.

2 Timoti 4:10

Kaaz Diimas gaan lef mi an gaan dong a Tesalonaika, kaaz im lov da worl ya. Kresens gaan a Gyaliesha an Taitos gaan a Dalmatiya.