Aks 16:3 - Di Jamiekan Nyuu Testiment

³ Paal did waahn Timoti fi go wid im, so im mek Timoti get sorkomsaiz. Im du dis kaaz di Juu dem we did liv iina di ieriya did nuo se Timoti faada a did Griik. Dat miin se Timoti neva did sorkomsaiz.

Aks 16:3 ပူးပေါင်းရင်းမြစ်များ

Gyalieshan 2:3

Nou Taitos did de de wid mi an im a wan Griik man — im a no Juu an dem neva fuos im fi get sorkomsaiz.

1 Korintiyan 9:20

Wen mi de wid piipl we a Juu, mi du di sitn dem we di Juu dem du so dat mi kuda win dem uova. An wen mi de mongks piipl we afi fala Muoziz laa, mi liv azkaadn tu di laa tu, iivn duo mi no afi fala it. Mi du dat so dat mi kyan win dem uova an elp dem fi biliiv iina Jiizas Krais.

Gyalieshan 5:6

Kaaz wen yu an Jiizas a wan it no mata ef yu sorkomsaiz ar yu no sorkomsaiz. Di onggl ting wa mata a dat yu chos iina im. An yu shuo se yu chos iina im wen yu shuo lov.

Gyalieshan 2:8

An jos laik ou a Gad pik Piita fi bi im apasl an gi im di powa fi priich tu di Juu dem, a siem wie im pik mi an gi mi di powa fi priich tu di piipl dem we a no Juu.

1 Korintiyan 7:19

A no notn ef yu sorkomsaiz jos laik ou a no notn ef yu no sorkomsaiz. Di onggl ting we mata a dat unu du wa Gad se unu fi du.

Aks 15:40

bot Paal pik Sailas an lef out afta di biliiva dem prie an aks di Laad fi tek kier a dem.

Aks 15:37

Baanabas did waahn kyari Jan, we dem kaal Maak, wid dem tu.

Aks 15:20

Insted-a dat, wa wi fi du a rait an tel dem se dem no fi nyam no fuud we piipl tek bon sakrifais gi faalz gad, ton we fram aal saat a seks sin, no nyam miit fram animal we eng ar we dem blod neva bliid out wen dem get kil, an no nyam ar jringk blod.

Filipiyan 2:22

Bot unu wel nuo se di wie ou Timoti liv shuo se im riili wok gud fi chuu, kaaz siem laik ou wan faada an im bwai pikni wok wid dem wan aneda, a siem so im wok kluos wid mi fi pred di Gud Nyuuz.