Aks 16:22 - Di Jamiekan Nyuu Testiment

²² Di piipl iina di kroud jain iin an staat fi biit Paal an Sailas. So di joj dem tier aaf Paal an Sailas dem kluoz an gi aada fi biit dem wid tik.

Aks 16:22 ပူးပေါင်းရင်းမြစ်များ

1 Tesaluoniyan 2:2

Unu nuo ou wen wi did de a Filipai di piipl dem we inchaaj did mek wi sofa. Dem shiem wi bad bot Gad gi wi di chrent fi kom tu unu siem wie an kom tel unu di Gud Nyuuz, iivn duo uol iip a piipl did a chrai fi tap wi,

2 Korintiyan 6:5

Piipl biit wi, dem fling wi iina prizn, kroud an kroud a piipl chrai kil wi aaf bot wi stil a wok. Wi a wok aal wen wi no av di chrent fi wok no muor. Nof nait wi no get no sliip an wi naa no fuud fi iit, bot wi stil a wok.

Iibruu 11:36

So a dat apm tu som a dem kaaz dem chos iina Gad, bot yu av som ada wan — dem laaf aafa dem an tek wip biit dem. Som aal get tai op wid chien an lak op iina prizn tu.

1 Piita 2:24

Jiizas — im did fiil uol iip a pien iina im badi fi wi wen im did de pan di kraas siek-a fi wi sin. Im du dat so sin wi no av no muo powa uova wi, an wi kyan liv an du wa rait. An siek-a di sofarieshan we im go chuu: di biit op biit op an di kot op kot op we bata bruuz im, chuu dat yu did get iil.

Aks 18:12

Nou afta Gyaliyo did ton govana fi Akaiya di Juu dem gyada op an grab Paal an jrag im infronta di joj,

Aks 17:5

Bot di Juu dem get beks se so moch piipl did jain op wid Paal an Sailas. So dem gyada op som woklis aigla fram di maakit, faam wan pasi, an staat fi kik op rompos, galang bad an ton di siti opsaid dong. Di Juu liida dem go stuon Jiesn yaad, a luk fi Paal an Sailas fi jrag dem infronta di ruula dem.

Aks 16:37

Bot Paal se tu di poliis man dem se, “Dem biit wi op iina di uopm infronta evribadi wen dem neva iivn chrai wi fi si ef wi did du notn rang — iivn duo a Ruom wi kom fram an dem lak wi op iina prizn. An nou dem waahn fi aid an sen wi we. Dem mosi mad! Dem afi kom liid wi out demself!”

Aks 5:40

an dem kaal iin di apasl dem an mek di suoja dem biit dem. Den dem aada dem se, “No taak tu di piipl an yuuz Jiizas niem eva agen!” Afta dat dem let dem go.

Matyu 27:26

Den im let go Barabas gi dem. Im mek dem tek wip biit Jiizas, an den gi im uova fi dem niel im pan di kraas.

Matyu 10:17

“An wach out, kaa piipl a-go tek unu, an gi unu uova tu di liida dem fi di Juu dem choch, an dem a-go tek wip an biit unu a dem miitn ous.

Luuk 12:11

“Wen dem kyari unu bifuo di Juu dem choch, di ruula dem an di piipl dem we av uol iip a powa fi aal sen piipl go ded, no fret bout ou unu a-go difen unuself, ar wa unu fi se ar ou unu fi se it,