Aks 16:14 - Di Jamiekan Nyuu Testiment

¹⁴ Yu did av wan uman mongks dem fram Taiyataira niem Lidiya we yuus tu sel som dier porpl klaat. Shi did lov Gad so moch dat shi aalwiez a du di sitn dem we shi nuo Gad waahn ar fi du. Di Laad toch ar aat mek shi andastan an biliiv wa Paal did a se.

Aks 16:14 ပူးပေါင်းရင်းမြစ်များ

Luuk 24:45

Den Jiizas uopm op dem main an mek dem andastan we Gad wod se.

Jan 12:20

Nou yu did av som Griik piipl we di de mongks dem we did a go a Jeruusilem fi di Paasuova Alidie fi priez Gad.

Aks 10:2

Im an im uol fambili aalwiez worship Gad. Nof taim im wuda elp puo piipl an im aalwiez a prie tu Gad.

Aks 11:21

Di Laad Gad did de wid dem an im gi dem powa fi priich an wan uol iip a piipl biliiv an ton tu di Laad.

Aks 13:43

Afta di Juu dem choch uova, nof a di Juu dem an di piipl dem we did ton Juu fala Paal an Baanabas. Paal an Baanabas did a taak tu dem an a tel dem no fi tap chos Gad fi shuo dem lov iivn duo dem neva dizorv it.

Aks 13:50

Bot di Juu dem rail op di uman dem we rich an we worship Gad, an di big impuotant man dem iina di toun. Dem du som torbl sitn gens Paal an Baanabas an mek dem sofa an ron dem outa dem toun.

Aks 16:40

Wen dem lef di prizn, dem go a Lidiya yaad. Dem taak tu di breda an sista dem an tel dem no fi tap biliiv iina Jiizas. Afta dat dem lef di siti.

Aks 18:7

Den Paal lef di Juu dem choch an go a Taitos Jostos ous. Jostos a did wan man we a no Juu, bot im worship Gad an im ous did de rait saida di Juu dem choch.

Aks 8:27

So Filip get op an lef. Wen im did a chravl pan di ruod, im bok op wan man we kom fram Iitiyuopiya. Im a did wan impuotant man. A im did inchaaj a aal a di moni fi Kyandiis, kwiin fi Iitiyuopiya. Im did go a Jeruusilem fi go worship Gad an wen im a go baka im yaad

Ruoman 9:16

So den Gad no pik piipl bies pan wa dem waahn ar pan we dem du; Gad pik piipl bies pan uu im waahn fi gud an kain tu.

Filipiyan 2:13

Unu kyan liv da wie de, kaaz a Gad a wok iina unu laif. A Gad mek unu waahn fi du di sitn dem we im waahn unu fi du. An a im gi unu di chrent fi du dem tu. An wen unu du dem, it mek im wel api.

Revilieshan 1:11

Di vais se tu mi se, “Rait dong dem sitn ya we yu si iina wan buk an sen it go a di sevn choch dem: sen it go a Efisos, Simorna, Porgamom, Taiyataira, Saadis, Filidelfiya an Leyodiisiya.”

Revilieshan 3:20

Lisn mi! Mi tan op rait a di duor an a nak. Ef enibadi ier mi a kaal an uopm di duor, mi wi kom iina im ous an mi an im wi nyam an jringk tugeda.

Revilieshan 3:7

Im se tu mi agen se, “Rait da leta ya go gi di liida fi di choch we iina Filidelfiya an tel im se: Da mesij ya a kom fram di wan we uoli an we aalwiez du we Gad waahn im fi du. A im av King Dievid kii we shuo se im av di powa fi ruul. Wa im uopm nobadi kyaahn shot, an wa im shot nobadi kyaahn uopm.