Aks 16:12 - Di Jamiekan Nyuu Testiment

¹² Fram de-so wi siel go a Filipai. Filipai a did wan big impuotant siti iina da ieriya a Masiduoniya de we a did wan Ruoman parish.

Aks 16:12 ပူးပေါင်းရင်းမြစ်များ

1 Tesaluoniyan 2:2

Unu nuo ou wen wi did de a Filipai di piipl dem we inchaaj did mek wi sofa. Dem shiem wi bad bot Gad gi wi di chrent fi kom tu unu siem wie an kom tel unu di Gud Nyuuz, iivn duo uol iip a piipl did a chrai fi tap wi,

Filipiyan 1:1

Da leta ya a kom fram mi, Paal. Timoti de ya wid mi tu. Di tuu a wi a Krais Jiizas sliev. Mi a rait tu aal a unu we liv iina Filipai we chos Krais Jiizas. An mi a rait tu aal a di bishop an di diikan dem tu.

Aks 20:6

So afta di Paasuova alidie, wi siel fram Filipai. An it tek wi faiv die fi riich a Chuowas an jain di wan dem we did a wiet fi wi, an wi tan de fi sevn die.

Aks 16:21

an dem a tiich an a tel wi fi du som sitn we fi wi laa no lou wi fi du kaaz wi a Ruoman piipl.”

Aks 16:9

Iina di nait Paal get wan vijan. Im si wan man fram Masiduoniya tan op an a beg im aad aad se, “Kom uova Masiduoniya kom elp wi!”

Aks 16:10

Afta Paal get di vijan, wi mek op wi main se Gad did waahn wi fi go priich di Gud Nyuuz tu dem, so wi chrai siem taim fi go a Masiduoniya.

Aks 18:5

Nou wen Sailas an Timoti kom fram Masiduoniya, Paal tap mek tent an yuuz aal a im taim fi priich di mesij an tel di Juu dem se Jiizas a di wan we Gad sen fi siev piipl.

Aks 19:21

Afta aal a dem sitn ya apm, Paal mek op im main fi go op a Jeruusilem, so im chravl chuu Masiduoniya an Akaiya. An im se, “Afta mi spen som taim op de, mi afi go a Ruom fi a likl wail.”

Aks 19:29

Di uol siti did rail op. So dem grab Gaiyos an Ieristaakos, di man fram Masiduoniya we did a chravl wid Paal, an staat jrag dem go a di plies iina di siti we piipl aalwiez gyada op wen sitn speshal a apm.

Aks 20:1

Afta di el an powda ous iina di siti sekl dong, Paal sen fi di biliiva dem. Im taak tu dem an elp dem fi tan op chrang iina wa dem biliiv an den im tel dem ba-bai an lef fi go a Masiduoniya.

Aks 20:3

we im spen chrii mont. Bot kaaz di Juu dem did set op deriks fi kil im wen im did a go siel go Siriya, im mek op im main fi go bak chuu Masiduoniya.

Aks 27:2

Wi go pan wan ship we did a kom fram Ajramitiyom. Di ship did plan fi tap a som difrant difrant plies pan di Iezha sii kuos. So wi siel out an Ieristaakos fram Masiduoniya we iina Tesalonaika go wid wi.

Ruoman 15:26

Kaaz di choch dem iina Masiduoniya an Akaiya did muor dan api fi gi moni tu Gad piipl iina Jeruusilem we puor.

Filipiyan 1:5

Mi api fi unu, kaaz fram di fos die unu biliiv unu staat elp mi pred di Gud Nyuuz, an aal nou unu stil a elp mi.