Aks 16:1 - Di Jamiekan Nyuu Testiment

¹ Den Paal go a Dorbi an Lischra. Nou yu did av wan choch breda de niem Timoti. Im mada a did wan Juu we biliiv iina Jiizas, bot im faada a did Griik.

Aks 16:1 ပူးပေါင်းရင်းမြစ်များ

Aks 14:1

Di siem ting we did apm tu Paal an Baanabas iina Antiyak apm iina Aikoniyom. Di tuu a dem go iina di Juu dem choch an taak tu piipl we a Juu an piipl we a no Juu. Wa dem se did so powaful dat nof nof piipl we a Juu an piipl we a no Juu biliiv iina Jiizas.

Aks 14:21

Dem priich di gud nyuuz iina Dorbi an uol iip a piipl biliiv iina Jiizas. Den dem go baka Lischra, Aikoniyom, an Antiyak

Aks 14:6

Paal an Baanabas fain out wa dem did a plan fi du an ron we go a Lischra an Dorbi iina Likuoniya an di dischrik dem nier de.

Aks 17:14

Den siem taim di breda an sista dem sen we Paal go a sii, bot Sailas an Timoti tan a Beriya.

Aks 18:5

Nou wen Sailas an Timoti kom fram Masiduoniya, Paal tap mek tent an yuuz aal a im taim fi priich di mesij an tel di Juu dem se Jiizas a di wan we Gad sen fi siev piipl.

Aks 19:22

So afta im sen tuu a di piipl we wok wid im, Timoti an Irastos, go a Masiduoniya, im tan iina Iezha fi wan likl wail.

Ruoman 16:21

Timoti, we wok wid mi sen oudi fi unu. Mi kombolo dem: Luushos, Jiesn an Sosipieta sen oudi fi unu tu.

1 Korintiyan 16:10

Nou ef Timoti kom tu unu, mek shuor se unu no du notn we wi kaaz im fi fried a unu. Tek im iin an chriit im gud, kaaz jos laik mi, im a du Gad wok.

1 Korintiyan 4:17

A so mek mi a sen Timoti tu unu, Timoti we mi lov an we komiin laik mi pikni kaaz di tuu a wi biliiv iina di siem Gad. Mi a sen im fi elp unu memba aal a di sitn dem we mi did tiich unu bout Krais Jiizas. A di siem sitn mi a tiich aal bout iina aal a di choch dem.

1 Korintiyan 7:14

Gad tek di ozban we no biliiv iina im fi bi im pikni kaaz im waif a wan a im pikni. A siem so di waif we no biliiv, Gad tek ar fi bi im pikni kaaz ar ozban a fi im pikni. Ef Gad neva tek di ozban ar di waif we no biliiv iina im fi bi im pikni tu, fi dem pikni wudn bilang tu Gad. Bot chuu Gad tek dem az im pikni, fi dem pikni bilang tu im tu.

2 Korintiyan 1:1

Da leta ya a kom fram mi, Paal, wan a Jiizas Krais apasl dem. Mi a wan apasl kaaz a dat Gad did waahn mi fi bi. Wi breda Timoti, im grii wid evriting we iina da leta ya. So, a di tuu a wi a sen it an wi a sen it tu aal a Gad piipl we kip choch iina Korint an tu aal a di piipl dem we iina Akaiya we biliiv iina Gad.

2 Korintiyan 1:19

Kaaz Gad Bwai Pikni, Jiizas Krais, we mi, Silvanos an Timoti did priich tu unu bout, a no sumadi we se “Yes” wan minit an “Nuo” di neks. Jiizas aalwiez se wa im miin, im aalwiez se “Yes.”

Filipiyan 1:1

Da leta ya a kom fram mi, Paal. Timoti de ya wid mi tu. Di tuu a wi a Krais Jiizas sliev. Mi a rait tu aal a unu we liv iina Filipai we chos Krais Jiizas. An mi a rait tu aal a di bishop an di diikan dem tu.

Filipiyan 2:19

Mi prie se wi Laad Jiizas wi lou mi fi sen Timoti tu unu suun, so dat dem kyan kom bak an tel mi ou unu a du, an so dat mi no afi wori bout notn.

Koloshan 1:1

Da leta ya a fram mi, Paal. Mi a wan a Jiizas Krais Apasl dem kaaz a dat Gad did waahn. An di leta a fram breda Timoti tu.

1 Tesaluoniyan 1:1

Dis a Paal. A mi, Silvanos an Timoti a rait da leta ya. Wi a rait unu — aal a di piipl dem we de a Tesalonaika we biliiv iina Jiizas Krais, aal a uu a Gad an Krais Jiizas piipl dem: Mi prie se Gad wi aalwiez shuo unu im lov iivn duo wi no dizorv it an mek unu av piis iina unu aat.

1 Tesaluoniyan 3:2

An wi sen Timoti tu unu. Timoti wi breda, we a wok wid Gad an a priich di Gud Nyuuz bout Krais Jiizas. Wi sen im fi bil unu op iina wa unu biliiv, an fi mek unu kyan uol aan,

1 Tesaluoniyan 3:6

Bot nou Timoti kom bak kom gi wi gud nyuuz bout ou unu stil biliiv iina Jiizas chrang chrang an ou unu lov Gad tu. Im tel wi se unu eva a tingk bout wi iina som gud wie, an ou unu lang fi si wi jos laik ou wi lang fi si unu.

2 Tesaluoniyan 1:1

Dis a Paal. A mi, Silvanos an Timoti a rait da leta ya. Wi a rait di uol a unu we de a Tesalonaika we biliiv iina Jiizas Krais, an we bilang tu Gad an Krais Jiizas.

1 Timoti 1:18

Timoti, mi bwai pikni, mi a chos yu fi du wa mi tel yu fi du. Wa mi a tel yu a di sed sitn dem di prafit dem di se bout yu. So memba aal a wa dem se, so yu wi no gi op bot fait laik wan riil suoja,

1 Timoti 1:2

Timoti, yu komiin laik se yu a riili fi mi pikni kaaz di tuu a wi biliiv an chos iina di siem Gad. Mi prie se wi faada Gad an wi Laad Jiizas Krais wi gud an kain tu yu, shuo yu lov iivn duo wi no dizorv it an gi yu piis iina yu aat.

2 Timoti 1:2

Timoti, yu komiin laik mi uona pikni we mi lov, mi prie se Faada Gad an wi Laad Jiizas Krais wi shuo yu lov iivn duo wi no dizorv it, mi prie tu se im wi gud an kain tu yu an gi yu piis iina yu aat.

2 Timoti 1:5

Mi memba ou yu chos iina Gad nof nof. Jos laik ou yu mada Yuunis an yu granmada Lai did biliiv iina Gad an did chos iina im nof nof tu. Mi shuor se jos laik dem yu biliiv an chos iina Gad nof nof tu.

2 Timoti 3:11

Yu nuo bout aal a di sitn dem mi did afi go chuu an ou mi did sofa iina Antiyak, Aikoniyom an Lischra. Mi go chuu aal a dem sitn de an Gad bring mi chuu di uol a dem.

Failiiman 1:1

Mi gud gud fren Failiiman we wok wid mi, dis a Paal we de iina prizn kaaz mi tiich bout Jiizas. Mi an wi breda Timoti a rait da leta ya tu: yu,

Iibruu 13:23

Mi waahn unu nuo se wi breda Timoti get let outa jiel. Ef im suun kom, mi wi bring im wid mi wen mi kom luk fi unu.