Aks 15:8 - Di Jamiekan Nyuu Testiment

⁸ Gad, di wan we nuo evribadi aat, gi dem im Uoli Spirit, an dat shuo se im tek dem fi im piipl siem laik ou im did du wid wi.

Aks 15:8 ပူးပေါင်းရင်းမြစ်များ

Jan 21:17

Fi di tord taim Jiizas aks im se, “Saiman, Jan bwai pikni, yu lov mi?” Piita did fiil a wie, kaaz a chrii taim nou Jiizas aks se, “Yu lov mi?” So im se, “Laad, yu nuo evriting. Yu nuo se mi lov yu.” Den Jiizas se tu im se, “Fiid mi shiip dem.

Jan 5:37

An di Faada se tingz bout mi tu. Unu neva ier im vais yet, an unu neva si'im fi nuo ou im luk non at aal.

Aks 1:24

Den dem prie, “Laad, yu nuo wa iina evribadi aat. So shuo wi wich wan a dem yu pik

Aks 10:47

“Gad gi di Uoli Spirit tu dem piipl ya siem laik wi, so enibadi kyan tap dem fram get baptaiz?”

Aks 14:3

So Paal an Baanabas tan de fi wan lang taim. An dem neva fried fi priich fi di Laad. Di mesij we dem did a priich bout ou di Laad lov piipl iivn duo dem no dizorv it, di Laad pruuv se a chuu dem did a taak wen im gi dem powa fi du aal kain-a mirikl an sain.

Aks 15:28

Di Uoli Spirit tingk se it bes fi wi no put no muo presha pan unu dan wa wi bout fi tel unu nou, an wi tingk so tu.

Aks 2:4

Di Uoli Spirit tek kanchuol a aal a dem an gi dem powa fi taak iina som difrant difrant langwij.

Aks 4:31

Afta dem don prie, di ous we dem did a miit get shiek op. Di Uoli Spirit tek kanchuol a dem an mek dem priich Gad wod an no fried a notn.

Iibruu 2:4

An Gad yuuz sain an shuo se dis a chuu sopm. Som sitn we im du, piipl kyaahn biliiv dem yai di wie dem sopraiz! Plos im yuuz aal kain-a mirikl. An im aal mek piipl get wa di Uoli Spirit kom gi. Dem get it jos laik ou im did waahn it fi go. An aal a dat shuo se wa di piipl dem did se riili riili chuu.

Iibruu 4:13

No iivn wan sitn kyan aid fram Gad! Bot evriting uopm op an im kyan si di uol a dem, an a im wi afi go ansa tu bout evriting we wi du.

Revilieshan 2:23

Mi a-go kil aaf ar falara dem. Den aal a di choch dem wi fain out se a mi a di wan we sorch out evribadi main an aat. An fi aal we unu a du, mi a-go pie unu bak wa unu fi get.