Aks 15:4 - Di Jamiekan Nyuu Testiment

⁴ Wen dem riich a Jeruusilem, di choch, di apasl dem, an di elda dem tek dem iin. Den Paal an Baanabas tel dem evriting we Gad mek dem du mongks di piipl we a no Juu.

Aks 15:4 ပူးပေါင်းရင်းမြစ်များ

Matyu 10:40

“Enibadi we welkom unu, welkom mi. An enibadi we welkom mi, welkom di wan we sen mi kom.

Aks 11:30

Dem sen di moni wid Baanabas an Saal go gi di choch liida dem a Jeruusilem.

Aks 14:27

Wen dem riich a Antiyak, Paal an Baanabas gyada op di choch piipl an tel dem evriting we Gad did gi dem powa fi du, an ou Gad gi di piipl we a no Juu di chaans fi biliiv iina im.

Aks 15:12

Evribadi iina di miitn kip kwaiyat an lisn tu Paal an Baanabas wail dem tel dem bout di mirikl an di powaful sitn dem wa Gad gi dem powa fi du mongks di piipl we a no Juu.

Aks 15:2

Paal an Baanabas aagyu chrang chrang gens wa dem man de did a tiich, an tan op tu dem an mek dem nuo se dem rang. So di choch pik Paal an Baanabas, an som ada biliiva fi go wid dem a Jeruusilem fi go taak tu di apasl an elda dem bout di mata.

Aks 15:22

Den di apasl dem, di elda dem an aal a di choch piipl dem mek op dem main fi sen som man fram di choch go a Antiyak. So dem pik tuu a dem liida, Juudas (we niem Baasabas) an Sailas an sen dem wid Paal an Baanabas.

Aks 15:3

Di choch sen dem aaf, an wen dem did a go chuu Foniisiya an Samieriya dem tel di piipl dem we biliiv iina Jiizas ou nof a di piipl we a no Juu iina Antiyak biliiv di gud nyuuz. Dat mek di biliiva dem wel api.

Aks 15:6

Di apasl an di elda dem mek op dem main fi miit an diil wid di prablem.

Aks 16:4

An iina evri toun we dem go, dem gi di piipl dem we biliiv iina Jiizas di ruul dem we di apasl an di elda dem iina Jeruusilem did se di piipl we a no Juu fi fala.

Aks 18:27

Wen Apalos did waahn kraas uova go a Akaiya, di breda an sista dem push im fi gwaan. Dem rait wan leta tu di breda an sista dem uova de an tel dem fi tek im iin an chriit im gud. Di wan dem we did biliiv kaaz Gad did so gud tu dem, wen Apalos riich im du uol iip fi elp dem.

Aks 21:17

Wen wi riich a Jeruusilem, di biliiva dem did api fi tek wi iin.

Aks 21:19

Afta Paal go iin an tel dem oudi, im staat tel dem evriting wa Gad did a du siek-a fi im wok mongks di piipl we a no Juu.

Ruoman 15:18

Mi wudn mad fi taak bout notn bot di wok we Krais Jiizas yuuz mi fi du — di wok we kaaz di piipl we a no Juu fi staat du aal a wa Gad se dem fi du. Dem staat fala Gad siek-a di sitn dem we mi se an du,

Ruoman 15:7

So den tek unu wan aneda siem laik ou Krais Jiizas did tek unu, so dat piipl wi priez Gad.

1 Korintiyan 15:10

Bot a chuu Gad gud an kain tu mi mek mi kyan du wa mi a du nou, an aal we im du fi mi, a no fi notn. Mi wok aada dan aal a di ada apasl dem. Bot mi neva du it pan mi uon, Gad elp mi fi du it, kaaz im gud an kain tu mi.

2 Korintiyan 5:19

Wa mi a se a dat Gad yuuz Jiizas fi mek tingz rait bitwiin im an di uol worl. Gad naa uol dem sin gens dem an im sen wi fi tel piipl bout ou im mek tingz rait bitwiin dem an im.

2 Korintiyan 6:1

So sins wi wok wid Gad, wi a beg unu, im so gud an kain tu unu, no mek it kom tu notn, no bada wies it.

Koloshan 4:10

Ieristaakos we de iina prizn wid mi, im sen oudi. Baanabas kozn, Maak, se oudi tu. Mi tel unu bout Maak aredi, so ef im kom tu unu, welkom im.

2 Jan 1:10

Ef enibadi kom tu unu we no biliiv iina wa wi tiich bout Krais Jiizas, no aaba im a unu ous, an no mek im tingk se unu api fi av im roun unu.